اسلام آباد: وزیراعظم کے معاون خصوصی ڈاکٹر شہباز گل نے کہا ہےکہ چینی کی قیمت طے ہوگئی آپ جو مرضی کر لیں چینی پر اب لوٹ مارنہیں ہونے دیں گے.
ٹوئٹر پر جاری بیان میں ڈاکٹر شہباز گل نے کہا کہ آج کارروائی سےایک بات توطےہوگئی چینی کی قیمت 70 روپے کلو ہونی چاہئیے، اب دیکھتےہیں یہ لوگ 70روپےکلو چینی دیتےہیں کہ نہیں۔
انہوں نے کہا کہ اللہ نےعمران خان کو اور پاکستان کےغریب کو سرخرو کیا ہے جب تک یہ عوام کو ریلیف نہیں دیتےخان ان کاپیچھا کرےگاانشاللہ۔
اللہ الحق ہے۔ آج کی کاروائی سے ایک بات تو طے ہو گئی کہ چینی کی قیمت ستر روپے فی کلو ہونی چاہئیے۔ اللہ نے عمران خان کو اور پاکستان کہ غریب کو سرخرو کیا۔ اب دیکھتے ہیں کہ یہ لوگ ستر روپے کلو چینی دیتے ہیں کہ نہیں۔ جب تک یہ عوام کو ریلیف نہیں دیتے خان ان کا پیچھا کرے گا انشاللہ https://t.co/v7AamELaDF
— Dr. Shahbaz GiLL (@SHABAZGIL) June 11, 2020
معاون خصوصی کا کہنا تھا کہ جب چینی چوری کی بات آتی ہےتوسیاسی جماعتیں اور شوگر کارٹل ساتھ نظر آتاہے، دوسری طرف ڈٹ کر کھڑا ہےکپتان، آپ جو مرضی کر لیں چینی پر اب لوٹ مارنہیں ہونے دیں گے۔
واضح رہے کہ اسلام آبادہائی کورٹ نے چینی انکوائری کمیشن کو دس دن کےلیے کارروائی سےروک دیا اور آئندہ سماعت تک ملک میں چینی70 روپے کلو بیچنے کا حکم بھی دیا۔
چیف جسٹس اطہر من اللہ نے ریمارکس میں کہا دو سال میں 85 روپے ہو گئی، چینی غریب کی ضرورت ہے وہ فیصلوں سےکیوں متاثرہورہاہے،؟ جس پر مخدوم علی خان کا کہنا تھا کہ کمیشن نے اپنے ٹی او آر سے باہر جاکر کاروائی کی تو چیف جسٹس نے مزید کہا کمیشن نےعام آدمی کی سہولت کےلیے کوئی فائنڈنگ نہیں دی۔
چیف جسٹس نے کہا نوٹس کرکےپوچھ لیتے ہیں لیکن اس وقت تک 70 روپےفی کلوبیچیں، شرط منظور ہےتو آئندہ سماعت تک حکومت کوکاروائی سے روک دیتے ہیں، عدالت عمومی طورپر ایگزیکٹو کےمعاملات میں مداخلت نہیں کرتی، چینی مزدورکی ضرورت ہےاوروہ کولڈڈرنک پرسبسڈی دےرہےہیں، عام آدمی کو بنیادی حقوق کیوں نہیں دے رہے۔
