راولپنڈی : قومی احتساب بیورو (نیب) نے شوگراسیکنڈل کیس میں نوازشریف کےدست راست کوطلب کرلیا ، جاوید کیانی پاکستان شوگر ملز ایسوسی ایشن کے وائس چیئرمین ہیں۔
تفصیلات کے مطابق شوگراسیکنڈل کیس میں قومی احتساب بیورو (نیب) راولپنڈی نے نوازشریف کےدست راست کوطلب کرلیا ، جاوید کیانی پاکستان شوگر ملز ایسوسی ایشن کے وائس چیئرمین ہیں اور حدیبیہ پیپر ملز کیس میں بھی شریک ملزم رہ چکے ہیں۔
نیب نے وزارت صنعت و پیداوار کے سابق افسرخضر حیات کو بھی طلب کیا ہے، خضر حیات کو 14اپریل کو نیب راولپنڈی میں طلب کیا گیا ہے۔
نیب کی جانب سے نوٹس میں کہا ہے کہ صنعت وپیداوار کے اکاؤنٹنٹ مزمل پاشا 13اپریل کو پیش ہوں جبکہ نیب راولپنڈی نے چیئرمین پسما سکندر پاشا کو بھی دوبارہ اگلے ہفتے طلب کر لیا ہے۔
نیب کا کہنا ہے کہ قومی تمام شخصیات جے آئی ٹی کے سامنے پیش ہوں گی، اس حوالے سے سوالنامہ بھجوا دیا گیا ہے، سوالنامے میں پوچھا گیا ہے کہ 2017میں شوگر کی قیمتوں کا تعین کن بنیادوں پر کیا گیا، بین الاقوامی ریٹ اورقیمتوں کے تعین کااختیار کیسےاورکس نے دیا۔
قومی احتساب بیورو نے تمام شخصیات کو 17-2019 تک چینی کی سبسڈی کیلئے پروپوزل ریکارڈ فراہم کرنےکی ہدایت کی ہے جبکہ نیب محکمہ خوراک پنجاب کاریکارڈ بھی حاصل کر چکا ہے۔
