گیس کمپنیوں کی جانب سے ناقص وصولیوں پر وزارت خزانہ نے کمر کسَ لی۔
وزارت خزانہ نے گیس کمپنیوں میں وصولیاں بہتربنانے کے لیے منیجمنٹ یونٹس کے قیام کی تجویز دے دی۔ ریسیویبل منیجمنٹ یونٹس دونوں کمپنیوں سوئی نادرن، سدرن میں قائم کرنے کی تجویز ہے۔
دستاویز کے مطابق منیجمنٹ یونٹس ادائیگیوں میں تاخیر کے مسئلے سےنمٹنے میں موثر ہو سکتا ہے متعلقہ حکومتی اداروں سے کمیونیکیشن بہتربنا کر ادائیگیوں کے مسئلے سے نمٹا جاسکتاہے۔
گیس کمپنیوں کو فنڈنگ کے متبادل ذرائع بھی اختیار کرنے کی تجویز بھی دی گئی ہے۔ کمپنیاں کمرشل قرضوں، بانڈزکے اجراء کے ذریعے سبسڈیز پر انحصار کم کرسکتی ہیں۔
گیس کمپنیاں برآمدی مارکیٹ تلاش کرکے انٹرنیشنل صارفین سے ریونیو حاصل کرسکتی ہیں۔
