سہانا خان کی اپنی پاکستانی ہم شکل سے ملاقات، تصویر وائرل

بالی وڈ کے سُپر اسٹار شاہ رخ خان کی صاحبزادی سہانا خان کی خود مشابہت رکھنے والی پاکستانی لڑکی سے بلآخر دبئی میں ملاقات ہوگئی۔

سہانا خان بالی وڈ میں اپنے ڈیبیو کا انتظار کر رہی ہیں۔ انہیں پہلی بار فلم ساز زویا اختر کی آنے والی فلم ’دی آرچی‘ میں دیکھا جائے گا۔ ڈیبیو سے قبل ہی مشہور ہوگئی ہیں۔

حال ہی میں سہانا خان کی ملاقات پاکستانی نوجوان لڑکی بریہ سے ہوئی جسے ان کا ہم شکل قرار دیا جاتا ہے۔ بریہ نے سہانا خان کے ساتھ تصویر انسٹا گرام پر شیئر کی جو چند ہی گھنٹوں میں وائرل ہوگئی۔

بریہ نے تصویر کے کیپشن میں لکھا: ’فلآخر سہانا خان سے ملاقات ہوگئی۔ میری اور سہانا کی تصاویر ایک ساتھ جوڑ کر مجھے بھیجنے والے مذکورہ تصویر کے ذریعے ہمارا اچھے سے موازنہ کر سکتے ہیں‘۔

Comments