لاہور: سوئی ناردرن گیس کمپنی نے مالی سال 2023-24 میں تاریخ کا بلندترین منافع کمالیا، کمپنی نے کیش ڈیویڈنڈ دینے کا بھی اعلان کردیا۔

تفصیلات کے مطابق معیشت میں بہتری کے ساتھ سوئی ناردرن گیس کمپنی نے گزشتہ مالی سال کے دوران اپنی تاریخ کا بلند ترین منافع حاصل کیا ہے، سوئی ناردرن گیس 30 ارب روپے کا قبل ازٹیکس منافع حاصل کیا جو اس سے پہلے کبھی نہیں ہوا۔

گیس کی قیمتوں کے تعین کے حوالے سے سوئی ناردرن کا مؤقف سامنے آگیا

سوئی ناردرن نے 75فیصد حتمی کیش ڈیویڈنڈ دینے کا بھی اعلان کیا ہے، سوئی ناردرن گیس نے 30 ارب روپے قبل ازٹیکس اور 19 ارب روپے بعداز ٹیکس منافع کا اعلان کیا ہے۔

ترجمان سوئی ناردرن نے بتایا کہ فی شیئر آمدن 29.92 روپے رہی، گزشتہ سال کے مقابلےمیں نمایاں اضافہ ہوا، یو ایف جی 18 سال میں سب سے کم 4.93 فیصد ریکارڈ ہوا۔

سوئی ناردرن گیس کمپنی نے صارفین کو اوور بلنگ کی بھر مار کر دی