کراچی : سوئی سدرن گیس کمپنی نے 2ہزارملازمین کو فارغ کردیا ، پیپلزپارٹی کے دور میں مجموعی طور پر 2 ہزار 7 سو سے زائد ملازمین کو ایکٹ کے تحت بحال کئے گے تھے۔
تفصیلات کے مطابق سوئی سدرن گیس نے سپریم کورٹ کے فیصلے کی روشنی میں 2ہزارملازمین کو فارغ کردیا ، 2ہزار برطرف ملازمین میں سے1600 جونئیر رینک مزدور ، ڈرائیور، اسٹاف اور 400 افسران شامل ہیں ، اس حوالے سے سوئی سدرن گیس کمپنی نے حکم نامہ بھی جاری کردیا ہے۔
ملازمین نے برطرفی کے خلاف ایس ایس جی سی ہیڈ آفس کے باہر احتجاجی مظاہرہ کیا اور ایم ڈی اور انتظامیہ کیخلاف شدید نعرے بازی کی ، ملازمین نے نوکری سے نکالنے کا نوٹی فکیشن فوری واپس لینے کا مطالبہ کردیا۔
خیال رہے پیپلزپارٹی کے دور میں مجموعی طور پر 2 ہزار 7 سو سے زائد ملازمین کو ایکٹ کے تحت بحال کئے گئے تھے۔
