The news is by your side.

Advertisement

خود کشی یا قتل : بھارت کی مشہور اداکارہ کی لاش برآمد

نئی دہلی : تامل ٹی وی کی اداکارہ چترا ہوٹل کے ایک کمرے میں مشتبہ حالت میں مردہ پائی گئیں، ان کی لاش کمرے میں  پھندے سے لٹکتی ہوئی ملی۔ پولیس کے مطابق انہوں نے خودکشی کی ہے۔

اس حوالے سے پولیس نے میڈیا کوبتایا کہ تامل ٹیلی ویژن کی مشہور28 سالہ اداکارہ وی جے چترا آج صبح ایک ہوٹل کے ایک کمرے میں مردہ حالت ان کی لاش پھندے سے لٹکتے ہوئے ملی، پولیس کے مطابق خدشہ ہے کہ انہوں نے خودکشی کی ہے۔

انہوں نے بتایا کہ تامل ناڈو میں چھوٹے پردے کی مشہور اداکارہ وی جے چترا اپنگر نجرتھپیٹ میں ایک ہوٹل میں کمرے کے اندر مردہ حالت میں ملی، موت سے پہلے تک اداکارہ کے ساتھ موجود ان کے منگیتر سے پوچھ گچھ کی جا رہی ہے۔

پولیس کا کہنا ہے کہ قریب ہی ایک جگہ پر شوٹنگ کے بعد چترا بنگلور بائی پاس کے ایک ہوٹل میں پہنچی تھیں، انہوں نے اپنے منگیتر کو بتایا تھا کہ وہ نہانے کے بعد باہر آجائیں گی، منگیتر کمرے میں ان کا انتظار کر رہا تھا۔

پولیس افسر نے بتایا کہ کافی دیر تک چترا کے باہر نہ نکلنے پر ااس کے منگیتر نے دروازہ کھٹکھٹایا اور جواب نہ ملنے پر اس نے ہوٹل کے ملازمین کو صبح ساڑھے تین بجے اس کی اطلاع دی۔ اس شخص سے پوچھ گچھ کی جا رہی ہے۔ معاملے میں جانچ جاری ہے۔

واضح رہے کہ چترا کی حال ہی میں ایک شخص کے ساتھ منگنی ہوئی تھی اور وہ ہوٹل کے کمرے میں اس کے ساتھ رہ رہی تھیں، ٹی وی سیریل پانڈین اسٹورس میں ملئی کے کردار میں چترا مشہور ہوئیں تھی، ان کی لاش کو پوسٹ مارٹم کے لیے بھیج دیا گیا ہے۔

Comments

یہ بھی پڑھیں