بھارتی فوج کے اہلکاروں میں خودکشی کی شرح میں سنگین اضافہ ہوگیا ہے، بھارتی فوج کے اہلکار مودی کی پالیسیوں سے نالاں خودکشیوں پرمجبور ہوچکے ہیں۔
اے آر وائی نیوز کے مطابق 18دسمبر کو بی ایس ایف کے اہلکار 92 بٹالین کے موہل مولانے خودکشی کرلی، ساتھی فوجی اہلکار نے بتایا کہ موہن مولااس وقت دیوٹی پر تھا جس وقت اس نے خودکشی کی۔
19دسمبر کو بھارتی سی آر پی ایف کے پولیس اہلکار اجیوگہیلا نے بھی خود کو پھانسی لگالی تھی، خودکشی کی وجہ فوجی افسران کاہتک آمیز رویہ اورضرورت پڑنے پرماتحتوں کوچھٹی نہ دیناہے۔ جبکہ بھارتی فوج کے افسران کی کرپشن ماتحتوں کے جائز حقوق بھی چھیننے لگی ہے۔
دوسری جانب بھارت کے غیر قانونی زیرِ قبضہ جموں و کشمیر میں ایک حملے کے باعث میں 3 فوجی اہلکار موت کے منہ میں چلے گئے۔
خبر رساں ایجنسی اے ایف پی کے مطابق بھارتی فوج کی گاڑیوں کو اُس وقت نشانہ بنایا گیا جب اہلکار راجوری ضلع میں ایک آپریشن میں مصروف تھے۔
حکام کے مطابق حملے میں 3 فوجی اہلکار ہلاک جبکہ تین شدید زخمی ہوئے، علاقے میں جاری کارروائیوں کی تفصیلات معلوم کی جا رہی ہیں۔
گزشتہ ماہ مقبوضہ کشمیر کے ضلع راجوڑی میں بھارتی فوج پر حملے میں میجر اور کیپٹن سمیت 4 اہلکار ہلاک ہوئے تھے۔ حملہ بوجی مال ایریا میں سرچ آپریشن کے دوران کیا گیا تھا۔
