سکھر: پولیس نے سکھر میں کامیاب کارروائی کرتے ہوئے دہشت گرد کو 10 کلو بارودی مواد کے ساتھ گرفتار کرلیا۔
ایس ایس پی سنگھار ملک نے میڈیا کو بتایا کہ روہڑی کے علاقے صالح پٹ کے قریب کارروائی کی گئی ، کارروائی کے دوران ایک دہشت گرد گرفتار کیا گیا۔
ایس ایس پی کے مطابق دہشت گرد کی شناخت پائن خان ولد پیر محمد بگٹی کے نام سے کی گئی جو کہ کالعدم بلوچ لبریشن آرمی ( بی آر اے) سے تعلق رکھتا ہے۔
یہ بھی پڑھیں: بلوچستان: سیکیورٹی فورسز کا کلیئرنس آپریشن، 7 جوان شہید ، 6 دہشت گرد ہلاک
ایس ایس پی سکھر نے میڈیا کو بتایا کہ دہشت گرد سے دس کلوبارودی مواد اور بھاری اسلحہ برآمد کیاگیا، گرفتاردہشت گرد صوبے میں وارداتوں کی منصوبہ بندی کررہا تھا۔
انہوں نے مزید بتایا کہ خفیہ کارروائی قانون نافذ کر ے والے دیگر اداروں کےساتھ ملکرکی گئی، گرفتار دہشت گرد سے تفتیش جاری ہے جلد مزید گرفتاریاں ہونگی۔
