سکھر : قتل ہونے والے پانچویں جماعت کے طالب علم کا قاتل دوست نکلا ، رفتارملزم یاسین ناپرنےاعتراف جرم کرلیا اور کہا شاٹ گن میں گولی پھنس گئی تھی،نکالنےکی کوشش میں فائرہوا۔
تفصیلات کے مطابق سکھر میں ریجنٹ کالونی میں پانچویں جماعت کے 13 سالہ طالب علم کے قتل کیس میں ایس ایس پی سکھر عابد بلوچ نے بتایا کہ طالبعلم کےدوست گرفتارملزم یاسین ناپرنےاعتراف جرم کرلیا ہے۔
ملزم نے بیان میں کہا کہ شاٹ گن میں گولی پھنس گئی تھی،نکالنےکی کوشش میں فائرہوا، گولی لگنےکےبعدزین العابدین کواسپتال لےکرگئے، زین العابدین روزانہ سحری تک میرےساتھ بیٹھتاتھا۔
عابد بلوچ نے مزید کہا کہ کیس کی مختلف زاویوں سےتحقیقات کی جارہی ہے تاہم بچےسےزیادتی کی تصدیق ڈی این اےرپورٹ کےبعدہوگی۔
یاد رہے سکھر کے گنجان آباد ریجنٹ سنیما مدینہ کالونی کے علاقے میں قتل کا لرزہ خیر اور افسوسناک واقعہ پیش آیا تھا، جہاں نا معلوم ملزمان نے فائرنگ کرکے تیرا سالہ پانچویں جماعت کے طالب علم زین العابدین صدیقی کو قتل کر دیا تھا۔
والد نے بتایا تھا کہ زین العابدین رات دیر گئے گھر سے چیز لینے کی غرض سے نکلا اور چند منٹ بعد فائرنگ کی آواز آئی، جس کے بعد معلوم ہوا کہ فائرنگ کر کے زین کو قتل کیا گیا ہے۔
