The news is by your side.

Advertisement

سکھر ٹرین حادثہ: شیخ رشید نے وزیراعظم کو رپورٹ پیش کر دی

اسلام آباد: وفاقی وزیر ریلوے شیخ رشید احمد نے سکھر ٹرین حادثے سے متعلق رپورٹ وزیراعظم عمران خان کو پیش کر دی۔

تفصیلات کے مطابق وفاقی دارالحکومت اسلام آباد میں وزیراعظم عمران خان سے وفاقی وزیر ریلوے شیخ رشید احمد نے ملاقات کی۔شیخ رشید احمد نے سکھر میں ٹرین کی بس کو ٹکر اور اموات سےمتعلق رپورٹ پیش کی۔

شیخ رشید احمد نے انفراسٹرکچر اور 152 نئے پھاٹک سے متعلق منصوبے سے بھی آگاہ کیا۔ ملاقات میں سپریم کورٹ میں ریلوے کیس سے متعلق بھی بات چیت کی گئی۔

ذرائع کے مطابق وزیراعظم سے شیخ رشید احمد نے ایم ایل ون منصوبے اور سیاسی امور پر بھی گفتگو کی۔ اس موقع پر وزیراعظم عمران خان کا کہنا تھا کہ پاکستان میں یہ منصوبہ ریلوے نظام کو تبدیل کردے گا۔

سکھر: مسافر کوچ ٹرین کی زد میں آگئی، 19 افراد جاں بحق

یاد رہے کہ گزشتہ ہفتے 28 فروری کو صوبہ سندھ میں روہڑی ریلوے پھاٹک پر مسافر کوچ ٹرین کی زد میں آگئی تھی جس کے نتیجے میں 19 افراد جاں بحق جبکہ درجنوں زخمی ہوگئے تھے۔

روہڑی ٹرین حادثے کا مقدمہ بس ڈرائیور کے خلاف درج کیا گیا تھا، جس میں کہا گیا کہ بس ڈرائیور نے لا پرواہی کے نتیجے میں ہولناک حادثہ پیش آیا۔

Comments

یہ بھی پڑھیں