لاہور : ایف آئی اے نے وزیراعظم کے صاحبزادے سلیمان شہبازکومنی لانڈرنگ مقدمےمیں بے گناہ قرار دے دیا۔
تفصیلات کے مطابق ایف آئی اے نے منی لانڈرنگ مقدمے کا ضمنی چالان اسپشل سینٹرل کورٹ میں جمع کرادیا۔
جس میں ایف آئی اے نے سلیمان شہباز اور طاہر نقوی کو ملزمان کی فہرست سے نکال دیا اور کہا کہ سلیمان شہباز کبھی عوامی نمائند ےیا پبلک آفس ہولڈر نہیں رہے۔
رپورٹ میں کہا گیا کہ ثابت نہیں ہوا کہ سلیمان شہباز کسی عوامی نمائندےکےبےنامی دار رہے، سلیمان شہباز پر منی لانڈرنگ اور اکاؤنٹس میں غیر قانونی ٹرانزیکشن کے شواہد نہیں ملے۔
ایف آئی اے کا کہنا تھا کہ ایف آئی نے رقوم جمع کرانےوالےافرادکےبیانات ریکارڈ کیے، کسی نے بھی الزام عائدنہیں کیا کہ جمع رقوم میں کوئی کک بیکس یاکمیشن دی گئی ہو جبکہ ملزمان کےخلاف کوئی مجرمانہ شواہد بھی نہیں ملے۔
رپورٹ میں کہا ہے کہ بینک اکاونٹس ملک مقصودآپریٹ کرتاتھا، متعدد ٹرانزیکشن کاروباری لین دین کیلئے ہوئی جو جرم کےزمرےمیں نہیں آئی۔
ایف آئی اے نے بتایا کہ زیادہ تر ٹرانزیکشن کراس تھی ،رقوم جمع کروانےوالےکاروباری شخصیات تھے، اکاؤنٹس ملک مقصود کی ہدایات پر کھولے گئے، اکاؤنٹس کا مقصدسلیمان شہباز کے پرائیویٹ کاروبار کیلئے تجارت کرنا تھا۔
