جوہار بارو : سلطان آف جوہار جونئیر ہاکی کپ آسٹریلیا نے جیت لیا۔ پہلی مرتبہ فائنل میچ کھیلنے والی پاکستان ٹیم سلور میڈلسٹ رہی۔
تفصیلات کے مطابق آسٹریلیا نے سلطان آف جوہر کپ جونیئر ہاکی ٹورنامنٹ جیت لیا، پاکستانی ٹیم کو شکست کا سامنا کرنا پڑا۔
؎آسٹریلیا نے پاکستان کو فائنل میچ میں تین کے مقابلے میں ایک گول سے ہرادیا، ملائیشیا کے شہر جوہار بارو میں کھیلے گئے سلطان آف جوہار جونئیر ہاکی کے فائنل میں آسٹریلیا اور پاکستان کے درمیان دلچسپ مقابلہ ہوا۔
کھیل کے پہلے ہاف میں مقابلہ ایک ایک سے برابر رہا۔ پہلی مرتبہ ایونٹ کا فائنل کھیلنے والی پاکستانی ٹیم کے گول کیپر نے آسٹریلیا کے تابڑتوڑ حملوں کا ڈٹ کر مقابلہ کیا۔
گول کیپر بدقسمتی سے قسمت آسٹریلیا پر مہربان تھی۔ مزید دو گول کرکے آسٹریلیا نے ٹائٹل اپنے نام کرلیا، پاکستانی ٹیم نے پہلی بار فائنل میچ میں جگہ بنائی تھی لیکن کامیابی حاصل کرنے میں ناکام رہی۔
پاکستان جونیئر ہاکی ٹیم نے سلور میڈل اور جاپان کی ٹیم براؤنز میڈلسٹ رہی۔ْ جاپان نے انگلینڈ کو شکست دیکر براؤنز میڈل جیتا۔
