لاہور: پی ایس ایل 7 کے 25ویں میچ میں ملتان سلطانز نے کوئٹہ گلیڈی ایٹرز کو باآسانی 117 رنز کے بھاری مارجن سے شکست دے دی۔
تفصیلات کے مطابق قذافی اسٹیڈیم میں کھیلے گئے میچ میں ملتان سلطانز کی ٹیم کی جانب سے دیے گئے 246 رنز کے تعاقب میں گلیڈی ایٹرز 15.5 اوورز میں 128 رنز پر ڈھیر ہوگئی۔
☝🏼 #HBLPSL7 l #LevelHai l #MSvQG pic.twitter.com/kp8MPJDinT
— PakistanSuperLeague (@thePSLt20) February 18, 2022
عمرا کمل کی دھواں دار 50 رنز کی اننگز بھی کوئٹہ کو شکست سے نہ بچاسکی،جیسن رائے نے 38 رنز کی اننگز کھیلی، سرفراز احمد 17رنز کے ساتھ ناٹ آؤٹ رہے، گلیڈی ایٹرز کا دیگر کوئی کھلاڑی خاطر خواہ کارکردگی نہ دکھا سکا۔
Umar Akmal owning the over 🙌🏼 #HBLPSL7 l #LevelHai l #MSvQG pic.twitter.com/nsNbNsmBTt
— PakistanSuperLeague (@thePSLt20) February 18, 2022
سلطانز کی جانب سے آصف آفریدی، ڈیوڈ ویلی، شاہنواز دہانی اور خوشدل شاہ نے دو ، دو وکٹیں حاصل کیں، عمران طاہر ایک وکٹ حاصل کرسکے۔
اس سے قبل ملتان سلطانز نے پی ایس ایل کی تاریخ کادوسرابڑا ٹوٹل بناتے ہوئے کوئٹہ کو جیت کے لئے 246 رنز کا پہاڑ جیسا ہدف دیا تھا۔
آج کھیلے جارہے میچ میں ملتان سلطانز نے ٹاس جیت کر پہلے بیٹنگ کا فیصلہ کیا جو نہایت سود مند ثابت ہوا، اوپنر بیٹرز شان مسعود اور محمد رضوان نے برق رفتاری سے اننگز کا آغاز کیا ، دونوں بیٹرز نے اپنی ٹیم کو سینچری پارٹنر شپ فراہم کی۔
Super effort 🦸♂️ vs @TeamQuetta
The Consistent Elegance @shani_official
57 (38)Captain Fantastic @iMRizwanPak
83* (54)The destructive force @Rileerr
71 (26)#MSvQG #SultanAaGayya #HBLPSL7 pic.twitter.com/cg5dobksDQ— Multan Sultans (@MultanSultans) February 18, 2022
شان مسعود 57 رنز کی دلکش اننگ کھیل کر آؤٹ ہوئے، ٹیم کے رن ریٹ کو دیکھتے ہوئے ملتان سلطانز نے ان فارم بیٹر ریلی روسو کو میدان میں اتارا، ریلی روسو نے کپتان محمد رضوان کے ساتھ مل کر کوئٹہ گلیڈی ایٹرز کے بولرز کی درگت بناڈالی۔
دونوں بیٹرز نے گراؤنڈ کے اطراف شاندار اسٹروک کھیلے، ریلی روسو نے 26 گیندوں پر 71 رنز کی جارحانہ اننگز کھیلی، ان کی دلکش اننگز میں 9 چوکے اور 4 بلند وبالا چھکے شامل تھے۔
71 (26)
Thank you 🙏 @Rileerr for that awesomeness 👏🏻👏🏻👏🏻#MSvQG #SultanAaGayya #HBLPSL7 pic.twitter.com/Wuk0Ys8aTw
— Multan Sultans (@MultanSultans) February 18, 2022
اس سے قبل ٹاس کے بعد گفتگو کرتے ہوئے کوئٹہ کے کپتان سرفراز احمد کا کہنا تھا کہ اگر ہم ٹاس جیت جاتے تو بھی پہلے بولنگ ہی کرتے، اس ٹورنامنٹ میں ابھی ہمارے دو میچز ہیں، لڑکوں کو کہہ دیا ہے کہ دونوں میچز میں فتح ضروری ہے۔
یہ بھی پڑھیں: کوئٹہ گلیڈی ایٹرز کو ایونٹ میں رہنے کے لئے لازمی فتح درکار
آج کا میچ کوئٹہ گلیڈی ایٹرز کے لیے نہایت اہم ہے، اگر کوئٹہ کی ٹیم یہ میچ جیت جاتی ہے تو اس کے فائنل فور میں کوالیفائی کرنے کی امید روشن رہے گی تاہم شکست کی صورت میں ٹیم کے پلے آف مرحلے میں رسائی نہایت مشکل ہوجائے گی۔
ملتان سلطانز اور لاہور قلندرز کی ٹیمیں پہلے ہی پلے آف کے لیے کوالیفائی کرچکی، پوائنٹس ٹیبل پر نظر دوڑائی جائے تو ملتان سلطانز پہلے، لاہور قلندرز دوسرے، پشاور زلمی تیسرے، اسلام آباد یونائیٹڈ چوتھے، کوئٹہ گلیڈی ایٹرز پانچویں جبکہ کراچی کنگز چھٹے نمبر پر موجود ہے۔
