کراچی : محکمہ تعلیم سندھ نے اسکولوں میں موسم گرما کی تعطیلات کا اعلان کردیا ہے۔
تفصیلات کے مطابق محکمہ تعلیم سندھ نے موسم گرما کی تعطیلات کا اعلان کردیا ہے، سندھ بھر میں اسکولوں اور کالجوں میں موسم گرما کی تعطیلات یکم جون سے 31 جولائی تک گرمیوں کی چھٹیاں ہوں گی۔
چھٹیوں کے حوالے سے محکمہ تعلیم نے نوٹیفیکشن جاری کردیا ہے اور تمام سکولوں کو نوٹیفیکیشن کے ذریعے آگاہ کردیا گیا ہے۔
محکمہٴ تعلیم سندھ کے مطابق تعطیلات کا اطلاق تمام سرکاری اور نجی اسکولوں پر ہوگا۔
خیال رہے کہ گذشتہ سال حکومت سندھ نے شدید گرمی کے پیش نظر صوبے بھر کے تعلیمی اداروں میں قبل از وقت ہی موسم گرما کی تعطیلات کا اعلان کیا تھا۔
