بالی وڈ اداکار سنیل شیٹی ذرائع نے اتھیا شیٹی اور کے ایل راہول کی شادی میں ملنے والے مہنگے ترین تحائف کی خبروں کو بے بنیاد اور جھوٹ قرار دے دیا۔
بھارتی میڈیا سے گفتگو کرتے ہوئے شیٹی خاندان کے ذرائع کا کہنا ہے کہ شائع کی گئی تمام خبریں بے بنیاد اور جھوٹی ہیں، ہماری میڈیا سے درخواست ہے کہ ایسی کوئی بھی خبر شائع کرنے سے پہلے ہم سے تصدیق کرلیں۔
بھارتی میڈیا نے 2 روز قبل جوڑے کو شادی پر ملنے والے مہنگے تحائف کی تفصیلات جاری کی تھیں جس میں بتایا گیا تھا کہ اداکار سنیل شیٹھی اور ان کی اہلیہ مانا شیٹھی نے بیٹی اور داماد کو ممبئی میں50 کروڑ بھارتی روپے مالیت کا اپارٹمنٹ دیا۔
اتھیا شیٹی اور کے ایل راہول کو ملنے والے قیمتی تحائف کی تفصیلات سامنے آگئی
بھارتی میڈیا کی رپورٹ میں ویرات کوہلی، سلمان خان، جیکی شرف اور دیگر اداکار و کھلاڑی کی جانب سے دیئے گئے پرتعیش تحائف کی تفصیلات تھی۔
واضح رہے کہ اداکار سنیل شیٹی کی بیٹی اتھیا شیٹی اور کرکٹر کے ایل راہول رواں ہفتے رشتہ ازدواج میں منسلک ہوئے ہیں۔
