شوبز انڈسٹری کی معروف اداکارہ سنیتا مارشل کی فیملی کے ہمراہ تصاویر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ سنیتا مارشل نے تصاویر شیئر کیں جس میں انہیں فیملی کے ساتھ خوشگوار موڈ میں دیکھا جاسکتا ہے۔
سنیتا مارشل نے تصاویر شیئر کرتے ہوئے کیپشن میں بتایا کہ وہ کراچی میں شادی کی تقریب میں شریک ہیں۔
انہوں نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
واضح رہے کہ سنیتا مارشل نے سال 2009 میں ساتھی اداکار حسن احمد سے شادی کی تھی ان کے دو بچے راکین اور زینا ہیں۔
سنیتا مارشل نے آخری مرتبہ اے آر وائی ڈیجیٹل کے ڈرامہ سیریل ’بے بی باجی‘ میں ’اسما‘ کا کردار نبھایا تھا جسے ان کے مداحوں نے پسند کیا تھا۔
شوبز انڈسٹری کا یہ جوڑا چھوٹے پردے پر واپسی کے لیے تیار ہے اور بے بی باجی کے سیکوئل ’بے بی باجی کی بہوئیں‘ میں جلد نظر آئے گا۔
