کیلی فورنیا: دنیا بھر میں اکثر افراد اپنے موبائل فون پر کسی خوبصورت سے نظارے کو بطور وال پیپر سیٹ کرتے ہیں، ایسا ہی ایک خوبصورت سا منظر متعدد اینڈرائڈ فونز کو کریش کرنے کا سبب بن گیا۔
متعدد اینڈرائڈ صارفین نے سوشل میڈیا پر لکھا کہ سمندر کنارے غروب آفتاب کی ایک تصویر جب انہوں نے اپنے وال پیپر پر سیٹ کی تو اس سے ان کا موبائل فون کریش کر گیا۔
کئی افراد کا کہنا تھا کہ اس تصویر کو بطور وال پیپر پر سیٹ کرنے کے بعد ان کا موبائل بار بار بند ہونے لگا یہاں تک اسے فیکٹری ری سیٹ کرنا پڑا، جس کے بعد موبائل کا سارا ڈیٹا ضائع ہوگیا۔
Android Customers Beware! Setting This Attractive Picture as The Wallpaper Will Render Your Cellphone Ineffective pic.twitter.com/YtB5lYLVH4
— tech news 365 (@technews3651) June 6, 2020
This beautiful image right here can kill your Android phone. DO NOT USE IT AS A WALLPAPER! pic.twitter.com/BZvOpeKiQs
— nemo👻 (@heycatpur) June 4, 2020
Never try this photo on your wallpaper..
Seriously, I am not joking…🙄🙄🙄
If you are an android user this one wallpaper can crash your device…
Don’t try it… @pikachu pic.twitter.com/ZGxfOFUcMe— Gaurov Saha (@GaurovSaha1) June 4, 2020
WARNING！！！
Never set this picture as wallpaper, especially for Samsung mobile phone users!
It will cause your phone to crash!
Don’t try it!
If someone sends you this picture, please ignore it. pic.twitter.com/rVbozJdhkL— Ice universe (@UniverseIce) May 31, 2020
جب یہ تصویر سوشل میڈیا پر بہت وائرل ہوئی تو امریکی ریاست کیلی فورنیا کے ایک سائنسدان اور فوٹوگرافر گورو اگروال نے برطانوی نشریاتی ادارے سے رابطہ کر کے انہیں بتایا کہ یہ تصویر اس کی کھینچی ہوئی ہے۔
گورو نے بتایا کہ اس نے ریاست مونٹانا میں واقع سینٹ میری جھیل کی یہ تصویر گزشتہ برس کھینچی تھی، اس کے بعد اسے لائٹ روم نامی پکچر ایڈیٹنگ سافٹ ویئر کے ذریعے ایڈٹ کیا گیا اور پھر فلکر پر اپ لوڈ کیا گیا۔
اب ٹیکنالوجی ماہرین کا کہنا ہے اس سافٹ ویئر میں استعمال کیا جانے والا کلر اسپیس اس تصویر کو تباہ کن بنانے کا سبب بن رہا ہے۔
ماہرین کا کہنا ہے کہ گورو نے جو رنگ سافٹ ویئر کے ذریعے اس تصویر میں شامل کیے، انہیں اکثر اینڈرائڈ فون سپورٹ نہیں کر رہے، یہی وجہ ہے کہ اس تصویر کو بہتر طور پر پیش کرنے کے چکر میں اینڈرائڈ کا سسٹم کریش کر جاتا ہے۔
ماہرین نے اس تصویر کو بطور وال پیپر نہ استعمال کرنے کی ہدایت کی ہے۔
