کراچی : سال 2021 کا پہلا سپر فل مون آج ہوگا، بیضوی دائرے پر چاند زمین کے بہت قریب آجائے گا اور زیادہ خوب صورت نظر آئے گا۔ یہ منظر پوری دنیا میں دیکھا جاسکے گا۔
آج دو ہزار اکیس کا پہلا مکمل چاند گرہن ہوگا۔ چاند زمین سے قریب ہونے کی وجہ سے سپر فل مون ہوگا۔ گرہن کو سپر فلاور بلڈ مون کا نام دیا گیا ہے۔ چاند کو گرہن لگنے کا نظارہ آسٹریلیا، ہانگ کانگ اور ٹوکیو میں دیکھا جاسکے گا۔ چاند چودہ منٹ کے لیے سرخ ہو جائے گا۔
پاکستانی وقت کے مطابق چاند گرہن کا آغاز دوپہر ایک بج کراڑتالیس منٹ پر ہوگا۔ مکمل چاند گرہن چار بج کر گیارہ منٹ پر اور اختتام شام چھ بج کر پانچ منٹ پر ہوگا، پاکستان میں دن ہونے کی وجہ سے چاند گرہن دیکھا نہیں جاسکے گا۔
آسٹریلین ایئرلائن نے چاندگرہن کا نظارہ کروانے والی فلائیٹ کا اعلان کیا ہے، اعلان ہوتے ہی صرف ڈھائی منٹ میں تمام سیٹیں فروخت ہوگئیں۔
یہ فلائٹ چالیس ہزار فٹ کی بلندی پرجا کر مسافروں کو سپرمون کا نظارہ کروا کے دوبارہ اسی ایئرپورٹ پر اترے گی جہاں سے اڑان بھرے گی۔ اسے سپر مون فلائٹ کا نام دیا گیا ہے۔
