"سندھ کے شہزادے" کرکٹ ٹورنامنٹ کا افتتاح: شاہد آفریدی اور سلمان اقبال کو ناصر حسین شاہ کا خراجِ تحسین -
The news is by your side.

Advertisement

“سندھ کے شہزادے” کرکٹ ٹورنامنٹ کا افتتاح: شاہد آفریدی اور سلمان اقبال کو ناصر حسین شاہ کا خراجِ تحسین

کراچی: نیا ناظم آباد کرکٹ اسٹیڈیم میں ایکشن سے بھرپور میلہ سج گیا، کراچی کنگز “سندھ کے شہزادے” کرکٹ ٹورنامنٹ کی افتتاحی تقریب منعقد ہوئی، جس میں اسٹار کرکٹر شاہد آفریدی، راشد لطیف اور صوبائی وزیر ناصر حسین شاہ شریک ہوئے۔

تفصیلات کے مطابق سندھ کے شہزادے کرکٹ ٹورنامنٹ میں 75 کھلاڑی اور 5 ٹیمیں حصہ لے رہی ہیں، افتتاحی میچ میں ہوم امیج کراچی اور برج پاور حیدر آباد کی ٹیمیں آمنے سامنے آئیں گی۔

اس موقع پر صوبائی وزیر ناصر حسین شاہ نے کہا کہ سندھ حکومت کراچی کنگز کے شابہ بشانہ اور اس کی کاوشوں کو سراہتی ہے، کراچی میں بڑے ایونٹس ہوئے، دنیا بھر سے لوگ یہاں آئے ہیں۔

شاہد آفریدی، سی ای او کراچی کنگز طارق وسیع اور اے آر وائی ڈیجیٹل نیٹ ورک گروپ ڈائریکٹر محبوب عبد الرؤف

صوبائی وزیر نے کہا ’سندھ حکومت نوجوان کھلاڑیوں کو سہولتیں فراہم کرے گی، شاہد آفریدی اور سلمان اقبال کو مبارک باد پیش کرتا ہوں، آپ لوگ اندرون سندھ کے ٹیلنٹ کو اجاگر کر رہے ہیں، جہاں کھلاڑیوں کے لیے مناسب سہولتیں موجود نہیں، سندھ کے شہزادے بہترین پلیٹ فارم ثابت ہوگا۔‘

شاہد خان آفریدی


کراچی کنگز سندھ کے شہزادے ایونٹ کی افتتاحی تقریب سے خطاب کرتے ہوئے قومی ٹیم کے سابق کپتان شاہد آفریدی نے کہا ’سندھ سے نوجوان کرکٹرز کی تلاش ضروری ہے، بد قسمتی سے اندرون سندھ سے کرکٹرز سامنے نہیں آتے۔‘

سندھ حکومت کراچی کنگز کے لیے گراؤنڈ یا زمین فراہم کرے: شاہد آفریدی

بوم بوم شاہد آفریدی نے اندرون سندھ سے نوجوانوں کو منتخب کرنے پر مبارک باد دیتے ہوئے کہا کہ راشد لطیف و دیگر نے اندرون سندھ سے ٹیلنٹ کو اجاگر کیا، سندھ حکومت بھی کراچی کنگز کے لیے گراؤنڈ یا زمین فراہم کرے۔

جارحانہ بیٹنگ کے لیے مشہور کرکٹ اسٹار اور کراچی کنگز کے صدر نے راشد لطیف کی کوششوں کو سراہتے ہوئے کہا ’راشد لطیف کی پوری ٹیم نے اندرون سندھ میں زبردست کام کیا، پی ایس ایل فرنچائز کی اپنی کرکٹ اکیڈمی ہونی چاہیے۔‘

راشد لطیف


کراچی کنگز ٹیم کے ڈائریکٹر اور قومی ٹیم کے سابق کپتان راشد لطیف نے اس موقع پر کہا کہ اندرون سندھ اور کراچی میں بہت ٹیلنٹ ہے، ہم نے اندرون سندھ اور کراچی سے 75 سے زائد کھلاڑی منتخب کیے ہیں۔

پاکستان کے شہزادوں کے ٹیلنٹ کو بھی سامنے لائیں گے: راشد لطیف

سندھ کے شہزادے ایونٹ کے سلیکٹر راشد لطیف نے کہا کہ سندھ کے بعد پاکستان کے شہزادوں کے ٹیلنٹ کو بھی سامنے لائیں گے، اس وقت پورے پاکستان میں کرکٹ کو پذیرائی مل رہی ہے۔


یہ بھی پڑھیں:  کراچی کنگزٹیلنٹ ہنٹ پروگرام مکمل، بہترین کھلاڑی منتخب کرلیے


سابق وکٹ کیپر کا کہنا تھا ’نئے کھلاڑیوں کی ٹریننگ کے لیے کوچز کی کوئی کمی نہیں ہے، پاکستان کرکٹ بورڈ کے کوچز نے قیمتی وقت بچوں کو دیا ان کا شکریہ ادا کرتا ہوں۔‘

Comments

comments

یہ بھی پڑھیں