ملتان سلطانز کے کپتان محمد رضوان نے ایک اور سپرمین کیچ پکڑ کر سب کو حیران کر دیا۔
ملتان اسٹیڈیم میں کھیلے گئے میچ میں وکٹ کیپر نے بھاگتے ہوئے ڈائیو لگا کر ناممکن کو ممکن بنایا۔ وکٹ کے پیچھے محمد رضوان نے شاندار کیچ لے کر ٹیم کی کامیابی میں اپنا اہم کردار ادا کیا۔
Superman @iMRizwanPak 🦸♂️
Stumps castled 🔥Ihsanullah caps off a comfortable win for @MultanSultans #HBLPSL8 | #SabSitarayHumaray | #MSvIU pic.twitter.com/yvxksiy9aK
— PakistanSuperLeague (@thePSLt20) February 19, 2023
محمد رضوان اس سے پہلے بھی وکٹ کے پیچھے ناقابل یقین کیچ پکڑ کر خوب داد سمیٹ چکے ہیں جو کہ ان کی بھرپور فٹنس کی عکاس ہے۔
اسی میچ میں ملتان سلطانز کے اسامہ میر نے نوجوان بیٹر حارث نواز کا زبردست کیچ پکڑا۔ بولر محمد الیاس کی گیند پر جب حارث نواز نے کریز سے نکل کر شارٹ پچ گیند پر چھکا لگانے کی کوشش کی تو ایج لگنے کے بعد گیند ہوا میں گئی اور باؤنڈری پر کھڑے فیلڈر نے کیچ تھام لیا۔
ویڈیو میں دیکھا جاسکتا ہے کہ اسامہ میر بھاگتے ہوئے گیند کے نیچے آئے اپنا توازن برقرار رکھتے ہوئے کیچ تھام لیا۔
