اسلام آباد : عدالت عظمیٰ نے متحدہ قومی موومنٹ کے استعفوں سے متعلق کیس ماین ستانوے افراد کو نوٹس جاری کردئیے۔
تفصیلات کے مطابق سپریم کورٹ نے ایم کیو ایم کے استعفوں سے متعلق درخواست کی سماعت کے لئے وزیر اعظم ،اپوزیشن لیڈر،اسپیکر قومی اسمبلی سمیت ستانوے افراد کو نوٹس جاری کر دیئے۔
چیف جسٹس انور ظہیر جمالی کی سربراہی میں تین رکنی بینچ نے ایم کیو ایم کے استعفوں کی منظوری کے لیے دائر سید ظفر علی شاہ کی درخواست کی ابتداِئی سماعت کی۔
اپنے ابتدائی ریمارکس میں فاضل بینچ کا کہنا تھا کہ اسی نوعیت کی ایک اور درخواست پی ٹی آئی کے استعفوں کے حوالے سے بھی زیر التوا ہے۔ بہتر ہو گا ۔کہ دونوں درخواستیں یکجا کر کے سنی جائیں۔ عدالت نے فریقین کو نوٹسز جاری کرتے ہوئے کیس کی سماعت غیر معینہ مدت کے لئے ملتوی کر دی ہے۔
