اسلام آباد : سپریم کورٹ نے 3 ماہ کی کارکردگی رپورٹ جاری کردی ، جس میں بتایا کہ اس دوران تقریبا 4000 مقدمات نمٹائے گئے اور 1453 مقدمات میں اضافہ ہوا۔
تفصیلات کے مطابق سپریم کورٹ نے 17 دسمبر2023 سے 31 مارچ 2024 تک دوسری سہ ماہی کارکردگی رپورٹ جاری کردی۔
کارکردگی رپورٹ عوام کو حاصل معلومات تک رسائی کے آئینی تقاضا کی بنیاد پر جاری کی گئی، جس میں کہا گیا کہ اعلی عدلیہ نے اصول طے کیا کوئی جج استعفیٰ دیکر احتساب سے راہ فراراختیار نہیں کر سکتا۔
رپورٹ میں بتایا گیا کہ شوکت عزیز صدیقی کو شفاف ٹرائل کے حق سے محروم پر ایکشن لیا،ذوالفقار علی بھٹو ریفرنس پر فیصلہ دیا گیا۔
اعلی عدلیہ کا کہنا تھا کہ پرویزمشرف کیخلاف خصوصی عدالت کا فیصلہ برقرار رکھا گیا، تاحیات نااہلی کے فیصلے کو ختم کیا گیا، ایک فیصلے میں اصول طے کیا خلاکیلئے اہلیہ کی رضامندی جانناضروری ہے۔
کارکردگی رپورٹ میں کہا گیا کہ 17 دسمبر سے 31 مارچ تک 5427 مقدمات درج ہوئے، جس میں سے 3974مقدمات نمٹائے گئے،3ماہ میں 1453مقدمات میں اضافہ ہوا۔
رپورٹ کے مطابق چیف جسٹس پاکستان کی سرکاری رہائش گاہ پر مور کی 2 جوڑیاں تھیں،وٹنری ٹریٹمنٹ کےبعد سفید موروں کی جوڑی وائلڈ لائف کو دی گئی، موروں کی دوسری جوڑی کو کلرکہار میں موروں کی وادی میں بجھوا دیاگیا۔
اعلیٰ عدلیہ نے کہا کہ 3 ماہ میں 30مرتبہ عوامی مفادکو مدنظر رکھتے ہوئےعدالتی کارروائی براہ راست دکھائی، کارکردگی رپورٹ کی تیاری میں حسن کمال وٹو اور نیہا مخدوم نے معاونت فراہم کی۔
