اسلام آباد : سپریم کورٹ آف پاکستان نے اوورسیز پاکستانیوں کے شناختی کارڈ اجرا کی فیس سے متعلق کیس کی سماعت پیرتک ملتوی کردی۔
تفصیلات کے مطابق چیف جسٹس آف پاکستان کی سربراہی میں عدالت عظمیٰ کے تین رکنی بینچ نے اوورسیز پاکستانیوں کے شناختی کارڈ اجرا کی فیس سے متعلق کیس کی سماعت کی۔
چیف جسٹس نے دوران سماعت احسن اقبال اور سیکرٹری داخلہ کو طلب کرتے ہوئے ریمارکس دیے کہ حکومت نے کس بنیاد پرفیس سے متعلق سمری واپس بھیجی؟ شناختی کارڈ فیس میں ردوبدل کی سمری واپس بھجوانے کی وجہ کیا ہے؟۔
چیف جسٹس میاں ثاقب نثار نے ریمارکس دیے کہ وزیرداخلہ احسن اقبال اورسیکرٹری داخلہ ہمیں آکر وضاحت دیں۔
چیئرمین نادار نے سپریم کورٹ کوبتایا کہ وزیرداخلہ احسن اقبال دو روزہ دورے پر گوادر گئے ہیں، وزیرداخلہ ساڑھے گیارہ بجے تک پیش نہیں ہوسکتے۔
چیف جسٹس نے ریمارکس دیے کہ نادرا کی سمری منظور کیوں نہیں ہوئی وزیرداخلہ پیر کو آکر بتائیں، کیوں نہ ہم کمیشن بنا کرفیسوں کا جائزہ لیں، بعدازاں عدالت نے کیس کی سماعت پیر تک ملتوی کردی۔
اوورسیز پاکستانیوں سے زائد فیس کی وصولی کا کیس‘ سماعت پیر تک ملتوی
اوورسیز پاکستانیوں سے زائد فیس کی وصولی،چیف جسٹس کا نوٹس
خیال رہے کہ 13 فروری کو چیف جسٹس سپریم کورٹ نے اوور سیز پاکستانیوں سے شناختی کارڈ (پی او سی) کی مد میں زائد فیس کی وصولی کا نوٹس لیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
