سپریم کورٹ نے اسلام آباد کے مونال ریسٹورنٹ اور وائلڈ لائف بورڈ کےدفاتر سیل کرنےکیخلاف کیس کا مختصر فیصلہ جاری کر دیا۔
فیصلے کے مطابق مونال ریسٹورنٹ نے 3 ماہ میں جگہ خالی کرانےکی یقین دہانی کرائی ہے جب کہ 2 نجی ریسٹورنٹس نے بھی رضاکارانہ جگہ خالی کرنےکی یقین دہانی کرائی ہے۔
سپریم کورٹ نے حکم دیا کہ تین ماہ میں نیشنل پارک سےتمام کمرشل سرگرمیاں ختم کر دی جائیں، پیرسوہاوہ میں نیشنل پارک کی جگہ قائم تمام ہوٹل اور ریسٹورنٹس بھی خالی کیےجائیں۔
- Advertisement -
عدالتی فیصلے میں کہا گیا کہ پیر سوہاوہ روڈ پر لائسنس شدہ کھوکےاور دکانیں کام جاری رکھ سکتے ہیں، وائلڈلائف بورڈ کی ہدایات کے مطابق کھو کے اور دکانیں چلائی جائیں۔
