ڈسٹرکٹ الیکشن کمشنر فیصل آباد نے چیف الیکشن کمشنر سکندر سلطان راجہ کے خلاف سپریم جوڈیشل کونسل سے رجوع کرنے کا فیصلہ کر لیا۔
ڈی ای سی فیصل آباد عرفان کوثر نے سکندر سلطان راجہ کے اثاثہ جات کی تفصیلات مانگ لیں اور اس ضمن میں سیکرٹری الیکشن کمیشن کو خط لکھ دیا۔
عرفان کوثر نے خط میں لکھا کہ سکندر سلطان راجہ کے اثاثوں کی تفصیلات فراہم کی جائیں۔ درخواست گزار نے چیف الیکشن کمشنر کے بڑے بیٹے کے اثاثوں کی تفصیلات بھی مانگیں۔
خط میں کہا گیا کہ ڈی ڈی ڈبلیو پی میٹنگ کے منٹس اور پی ڈبلیو ڈی کو فنڈز کی تفصیلات اور الیکشن کمیشن میں گریڈ 17 سے 21 تک کے افسران کی سنیارٹی لسٹ کی تفصیلات بھی فراہم کی جائیں۔
ڈی ای سی نے کہا کہ تمام معلومات 5 مئی تک فراہم کی جائیں۔
