بھارتی کرکٹر سریش رائنا نے تمام فارمیٹس سے ریٹائرمنٹ کا اعلان کر دیا۔
تفصیلات کے مطابق دائیں ہاتھ سے بلے بازی کرنے والے انڈین کرکٹر سریش رائنا کرکٹ کے تمام فارمیٹس سے ریٹائر ہو گئے ہیں۔
انھوں نے منگل کو اپنے ٹویٹر اکاؤنٹ پر ریٹائرمنٹ کا اعلان کیا، سریش رائنا نے 18 ٹیسٹ، 226 ون ڈے اور 78 ٹی ٹوئنٹی میچز میں بھارت کی نمائندگی کی۔
بھارتی کرکٹر نے ٹوئٹر پر اعلان کرتے ہوئے لکھا کہ اپنے ملک اور ریاست اتر پردیش کی نمائندگی کرنا میرے لیے اعزاز کی بات ہے۔
It has been an absolute honour to represent my country & state UP. I would like to announce my retirement from all formats of Cricket. I would like to thank @BCCI, @UPCACricket, @ChennaiIPL, @ShuklaRajiv sir & all my fans for their support and unwavering faith in my abilities 🇮🇳
— Suresh Raina🇮🇳 (@ImRaina) September 6, 2022
بھارتی کرکٹر نے لکھا میں اب کرکٹ کے تمام فارمیٹ سے ریٹائرمنٹ کا اعلان کر رہا ہوں، کیرئیر میں سپورٹ کرنے پر سب کا شکریہ ادا کرتا ہوں۔
یاد رہے کہ رائنا نے اگست 2020 میں بین الاقوامی کرکٹ سے ریٹائرمنٹ لے لی تھی۔ اب انھوں نے آئی پی ایل اور ڈومیسٹک کرکٹ سے بھی ریٹائرمنٹ لے لی۔ خبر تھی کہ 2022 کے سیزن سے باہر ہونے کے بعد وہ انڈین پریمیئر لیگ (آئی پی ایل) سے ریٹائر ہونے والے ہیں، انھوں نے اس حوالے سے بھارتی کرکٹ بورڈ کو بھی بتا دیا تھا۔
35-year-old Suresh Raina hung his boots in cricket.#SureshRaina #ThankYouSureshRaina #Cricket #CricTracker pic.twitter.com/naCOaXyNQF
— CricTracker (@Cricketracker) September 6, 2022
چنئی سپر کنگز کی جانب سے انھیں برقرار نہ رکھا گیا اور کوئی بولی لگانے والا نہ ملنے کے بعد وہ میگا نیلامی میں فروخت نہ ہو سکے تھے۔
ٹیسٹ میچز: سریش رائنا نے اپنے کیرئیر کے 18 ٹیسٹ میچوں میں 768 رنز اسکور کیے، جب کہ 13 وکٹیں بھی حاصل کیں۔
ون ڈے انٹرنیشل: رائنا نے 226 ایک روزہ میچز کھیلے جس میں انھوں نے مجموعی طور پر 5 ہزار 615 رنز بنائے، اس کے علاوہ انھوں نے ان میچوں میں 36 وکٹیں حاصل کیں۔
ٹی ٹوئنٹی انٹرنیشنل: 78 ٹی ٹوئنٹی میں سریش رائنا نے 1604 رنز کیے جب کہ 13 وکٹیں اپنے نام کیں۔
رائنا اپنے ٹی 20 کیریئر میں 6 ہزار رنز کے ساتھ ساتھ 8 ہزار رنز بنانے والے پہلے بھارتی کھلاڑی تھے، وہ آئی پی ایل میں بھی 5 ہزار رنز مکمل کرنے والے پہلے کرکٹر ہیں۔
سریش رائنا کرس گیل کے بعد دوسرے اور آئی پی ایل میں 100 چھکے لگانے والے پہلے بھارتی کھلاڑی ہیں۔
