اسلام آباد : دارالحکومت سے کراچی کےلیے روانہ ہونے والے نجی ایئرلائن کے طیارے کے ٹائر سے سانپ لپٹ گیا جس کی تصویر سامنے آگئیں۔
اے آر وائی نیوز کی رپورٹ کے مطابق اسلام آباد ایئرپورٹ پر مسافر بردار طیارے کے ساتھ حیران کن واقعہ پیش آیا جس سے نمٹنے کےلیے سی اے اے کے اہلکاروں طلب کرنا پڑا۔
ذرائع کا کہنا ہے کہ اسلام آباد سے کراچی روانگی کےلیے تیار مسافر بردار طیارے کے ٹائر سے سانپ لپیٹ گیا، سانپ کو طیارے کے قریب دیکھ کر نجی ایئرلائن کا عملہ خوفزدہ ہوگیا۔
طیارہ اسلام آباد ایئرپورٹ 20 نمبر پر پارک تھا جسے کچھ دیر بعد شہر قائد کےلیے روانہ ہوتا تھا، سانپ کو طیارے کے قریب دیکھ کر سول ایوی ایشن کے عملے کو موقع پر طلب کیا گیا۔
ذرائع کا کہنا ہے کہ سول ایوی ایشن کے اہلکاروں نے سانپ کو لاٹھیوں سے مار کر رن وے سےدور کیا جس کے کچھ دیر بعد طیارہ کراچی کے لیے روانہ ہوگیا، واقعہ کی ویڈیو اے آر وائی نیوز نے حاصل کرلی۔
