احمد آباد : بھارتی شہر احمد آباد میں طیارہ حادثے میں بچ جانے والے مسافر نے آنکھوں دیکھا حال بتادیا۔
تفصیلات کے مطابق بھارتی شہر احمد آباد طیارہ حادثے میں بچ جانے والے مسافر کا بیان سامنے آگیا، جس میں طیارے کی تباہی کا احوال سنایا۔
بھارتی نژاد برطانوی شہری وشواش کمار نے بھارتی اخبار کو بتایا ٹیک آف کےتیس سیکنڈ بعد زور دار آواز آئی اور پھر طیارہ گرکرتباہ ہوگیا، یہ سب اتنی جلدی ہوا ، نہیں جانتا کہ جہاز سے کیسے بچ گیا، میرے چاروں طرف لاشیں بکھری پڑی تھیں۔
مسافر کا کہنا تھا میں خاندان سے ملنے بھارت آیا تھا اور اپنےبھائی کےساتھ واپس برطانیہ جا رہا تھا، جو ایک مختلف قطار میں بیٹھا تھا، میں نہیں جانتا تھا کہ آیا میرا بھائی بچ گیا یا نہیں۔
مزید پڑھیں : ویڈیو: بھارتی طیارہ حادثے میں ایک مسافر چھلانگ لگا کر بچ گیا
یاد رہے گذشتہ روز ایئر انڈیا کا طیارہ احمد آباد شہر میں گر کر تباہ ہو گیا، فلائٹ میں سوار 242 افراد میں سے 241 کی موت ہو گئی تھی، جس ایک واحد زندہ مسافر بچ گیا تھا۔
حادثے کے بعد ویڈیو سوشل میڈیا پر گردش کرنے لگی، جس میں ایک شخص کو خون آلود قمیض میں جائے وقوعہ سے چلتے ہوئے دکھایا گیا، وشواش کو سینے، آنکھوں اورٹانگوں پرشدید چوٹیں آئیں۔
احمد آباد سول ہسپتال کے پروفیسر اور سرجری کے سربراہ ڈاکٹر رجنیش پٹیل نے بتایا کہ رمیش کی حالت "زیادہ نازک نہیں ہے، وہ زیادہ بری طرح سے زخمی نہیں ہے۔ وہ بہت آرام دہ اور سخت نگرانی میں ہے۔
