تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

سشانت راجپوت کیس : ریا چکرورتی سمیت کئی ملزمان کے گرد گھیرا تنگ

ممبئی : سشانت سنگھ راجپوت منشیات کیس میں ایک اور پیش رفت سامنے آئی ہے، اداکارہ ریا چکرورتی سمیت 33 ملزمان کے خلاف تقریباً 12 ہزار صفحات پر مشتمل فرد جرم داخل کر دی گئی ہے۔

مرکزی انسداد منشیات ایجنسی (این سی بی) کی جانب سے آج جمعہ کے روز ممبئی کی سیشن عدالت کی خصوصی این ڈی پی ایس کورٹ میں چارج شیٹ داخل کی گئی۔

جن ملزمان کے خلاف چارج شیٹ داخل کی گئی ہے ان میں سے 8 افراد تاحال عدالت کی تحویل میں ہیں جبکہ دیگر کی درخواست ضمانت منظور ہو چکی ہے۔ ایجنسی نے عدالت کو تفصیلات فراہم کرتے ہوئے کہا کہ کئی دیگر افراد کے خلاف تفتیش کا عمل جاری ہے۔

این سی بی نے عدالت کو بتایا کہ دورانِ تفتیش ملزمان سے کئی طرح کی منشیات اور سائیکوٹراپیک سبسٹنس، الیکٹرانک آلات اور بھارت سمیت کئی ممالک کی کرنسی بھی ضبط کی گئی تھی۔

اس کے علاوہ موبائل فون اور دوسرے آلات کے ذریعے منشیات کی خرید و فروخت، منشیات رکھنے یا استعمال کرنے کے حوالہ سے معلومات جمع کی گئیں۔ ضبط کی گئی منشیات کو معائنے کیلئے لیبارٹری بھیجا گیا ہے۔

ایجنسی نے بتایا کہ اس نے اپنی تفتیش ملزمان کے قبضے سے ضبط کیے گئے مواد، رضاکارانہ طور پر دیئے گیے بیان اور تکنیکی ثبوتوں مثلاً کال تفصیلات، واٹس ایپ چیٹ، بینک اکاؤنٹ تفصیلات اور مالی لین دین سمیت دوسرے زبانی اور دستاویزی ثبوتوں کی بنیاد پر کی ہے۔

خیال رہے کہ بالی ووڈ اداکار سوشانت سنگھ راجپوت گزشتہ 14 جون کو اپنی ممبئی میں واقع رہائش پر مردہ حالت میں پائے گئے تھے۔ پہلے اس معاملہ کو خودکشی سے وابستہ کیا گیا اور بعد میں اس میں منشیات کا زاویہ بھی منسلک ہو گیا تھا۔

اس کے بعد سوشانت کی پارٹنر رہی اداکارہ ریا چکرورتی پر اقتصادی جرم، ڈرگ سپلائی اور خودکشی کے لیے اکسانے کے الزامات عائد کیے گیے۔ وہ کچھ وقت جیل میں گزار چکی ہیں اور فی الحال ضمانت پر باہر ہیں۔ معاملہ میں ان کا بھائی شووک چکرورتی بھی جیل جانے کے بعد ضمانت پر رہا ہوچکا ہے۔

Comments

- Advertisement -