امریکی ریاست کیلی فورنیا کے شہر لاس اینجلس میں چین کے سالِ نو کے موقعے پر 10 افراد کو ہلاک کرنے کے بعد فرار ہونے والا مشتبہ اسلحہ بردار شخص نے خود اپنی جان لے لی۔
غیر ملکی خبر ایجنسی کے مطابق گزشتہ روز ڈانس اسٹوڈیو کلب میں مشتبہ شخص نے لوگوں پر فائرنگ کی تھی۔
فائرنگ کے نتیجے میں 5 خواتین اور 5 مرد ہلاک جبکہ 10 افراد زخمی ہوئے تھے، فائرنگ کے واقعے کے بعد ملزم موقع سے فرار ہو گیا تھا۔
لاس اینجلس پولیس کے مطابق مطلوب ملزم کی وین کے قریب پہنچے تو فائرنگ کی آواز آئی، مطلوب شخص وین کے اندر مردہ پایا گیا جس کی شناخت 72 سالہ ہوکین تران کے نام سے ہوئی ہے۔
لاس اینجلس پولیس کے سربراہ کا کہنا تھا کہ مانیری پارک میں پیش آنے والے فائرنگ کے اس واقعے کا مقصد واضح نہیں ہوسکا، ہم ملزم کو گرفتار کرکے اس خوفناک واقعے کی وجہ جاننا چاہتے تھے۔
