site
stats
بلوچستان

کوئٹہ : بلوچستان کے ضلع کیچ میں حملہ،مفتی احتشام الحق بیٹے سمیت جاں بحق

کوئٹہ : بلوچستان کے ضلع کیچ میں ایک حملے میں معروف مذہبی اسکالر اور جمیعت العلماء اسلام (ف ) کے رہنما مفتی احتشام الحق اور ان کا بیٹا جاں بحق ہوگئے.

تفصیلات کےمطابق مفتی احتشام الحق اور ان کے بیٹے کو اتوار کی شب ضلع کیچ کے علاقے آسیا آباد میں نامعلوم مسلح افراد نے نشانہ بنایا،ذرائع کے مطابق مفتی احتشام الحق گاڑی میں اپنے بیٹے کے ہمراہ کولواہ کی جانب جا رہے تھے.

ذرائع نے بتایا کہ نامعلوم مسلح افراد نے راستے میں ان پر حملہ کیا،اس حملے کے نتیجے میں مفتی احتشام الحق اور ان کا بیٹا جاں بحق ہوگئے،مفتی احتشام الحق اور ان کے بیٹے کی لاش کو پوسٹ مارٹم کے لیے قریبی اسپتال منتقل کردیاگیا.

یاد رہے کہ مفتی احتشام الحق جے یو آئی (ف) کے ضلع کیچ کے سابق امیر تھے،ان کا شمار جے یو آئی (ف) کے اہم رہنماؤں کے علاوہ بلوچستان کے ممتاز علماء میں ہوتا تھا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top