کراچی: ناتھا خان پل کے قریب پولیس نے مقابلے میں ایک ملزم کو ہلاک کرنے کا دعویٰ کیا ہے،پولیس مقابلہ مشکوک ہونے کے حوالے سے چلنے والی خبروں کا آئی جی سندھ اللہ ڈنو خواجہ نے نوٹس لیتے ہوئے ایس ایس پی کورنگی سے 24 گھنٹے میں رپورٹ طلب کرلی۔
ایس ایس پی کورنگی کے مطابق ناتھا خان پل کے قریب مویشی منڈی جانے والے شہریوں سے لوٹ مار میں مصروف ملزمان سے پولیس اہلکاروں کا مقابلہ ہوا جس میں ایک زخمی ملزم کو اسپتال منتقل کیاجارہا تھا کہ اس دوران ملزم نے دم توڑدیا،واقعے کا مدعی بھی موجود ہے اور ہلاک ملزم سے برآمد ہونے والی رقم بھی مدعی کے حوالے کی گئی ہے۔
دوسری جانب ہلاک ملزم علی رضا کے اہل خانہ نے الزام عائد کیا ہے کہ اسے پولیس نے جعلی مقابلے میں قتل کیا ہے۔
اس حوالے سے چلنے والی خبروں کا آئی جی سندھ نے ایس ایس پی کورنگی سے واقعے کی چوبیس گھنٹوں کے اندر رپورٹ طلب کی اور کہا ہے کہ تفتیش کو ہر زاویئے سے انتہائی غیر جانب دارانہ اور موٴثر بناتے انصاف کے تقاضوں کو پورا کیا جائے ، عوام اور پولیس کے مابین اعتماد کی فضا کو مذید مستحکم بنایا جاسکے۔
