تازہ ترین

سوارا بھاسکر نے شاہ رخ خان کے ساتھ کام کرنے سے انکار کیوں کیا؟

معروف بھارتی اداکارہ سوارا بھاسکر نے انکشاف کیا ہے کہ انہیں فلم زیرو میں شاہ رخ خان کی ماں کا کردار ادا کر نے کی آفر ہوئی تھی جسے انہوں نے ٹھکرا دیا۔

معروف بھارتی اداکارہ سوارا بھاسکر دیگر بالی ووڈ اداکاراؤں کی طرح کنگ خان کی مداح ہیں اور ان کے ساتھ کام کرنے کی خواہش رکھتی ہیں۔

اب تک مختلف فلموں میں نہایت متنوع کردار ادا کرنے والی سوارا نے حال ہی میں ایک انٹرویو میں بتایا کہ انہیں شاہ رخ کے ساتھ رومانوی کردار ادا کرنے کی خواہش تھی۔

سنہ 2018 میں شاہ رخ خان کی ریلیز ہونے والی فلم زیرو کے لیے سوارا نے اداکار سے اصرار کیا کہ وہ ڈائریکٹر آنند رائے سے کہیں کہ انہیں بھی اس فلم میں لیا جائے۔

لیکن ساتھ ہی سوارا نے کہا کہ وہ شاہ رخ خان کی بہن یا بیٹی کا کردار ادا نہیں کریں گی، ڈائریکٹر آنند رائے نے کہا، تب پھر آپ کے لیے شاہ رخ کی والدہ کا کردار ہی بچتا ہے کیا آپ وہ کریں گی؟

لیکن سوارا نے انکار کردیا کیونکہ وہ کنگ خان کے ساتھ رومانوی کردار ادا کرنا چاہتی تھیں۔

یاد رہے کہ شاہ رخ خان کی فلم زیرو میں انوشکا شرما اور کترینہ کیف نے بھی اداکاری کے جوہر دکھائے تھے تاہم یہ فلم بری طرح ناکام رہی۔ 2 ارب بھارتی روپے کے بجٹ سے بنائی گئی یہ فلم اپنے اخراجات پورے کرنے میں بھی ناکام رہی اور صرف 1.86 ارب روپے کی کمائی کرسکی۔

Comments