The news is by your side.

Advertisement

سوات ایکسپریس وے ٹریفک کے لیے بحال

پشاور : سوات ایکسپریس وے پر ٹنل اور پلوں پر تعمیراتی کام مکمل کرکے آج ٹریفک کے لئے باقاعدہ کھول جارہا ہے جس سے کرنل شیر خان انٹرچینج سے چکدرہ تک ٹریفک میں مزید آسانی ہوگی۔

تفصیلات کے مطابق سوات ایکسپریس وے پر کاٹلنگ پلئی شاہ کوٹ کے مقام پر تعمیراتی کام کیوجہ سے ٹریفک موڑ دیا گیا تھا اب 7 کلومیٹر طویل سرنگ اور پلوں پر تعمیراتی کام مکمل ہونے کے بعد سڑک کو ہر قسم ٹریفک کے لئے کھول دیا جارہا ہے۔

نمائندہ اے آر وائی نیوز کا کہنا ہے کہ سوات موٹروے خیبر پختون خوا کا فلیگ شپ منصوبہ ہے جس سے سیاحت کو فروغ ملنے سمیت عوام کو آسان اور ارام دہ سفر بھی میسر ہے۔

سوات ایکسپریس وے کی تعمیر سے پہلے کی نسبت سیاحت کو کافی فروغ ملا ہے۔

تقریبا 35 ارب روپے کی لاگت سے 90 کلومیٹر طویل سوات موٹروے سے سیاحوں کو پاکستان کے سوئٹزلینڈ سوات تک سیاحوں کی رسائی انتہائی سہل بنائی گئی ہے۔

وزیراعلی خیبر پختونخوا کی قیادت میں سوات موٹروے کو مزید وسعت دینے پر بھی کام تیزی سے جاری ہے۔

نمائندہ اے آر وائی کا کہنا تھا کہ سوات ایکسپریس وے سے دیر،۔سوات، بٹ خیلہ، مالاکنڈ باجوڑ اور چترال تک آمدورفت کافی سہل اور اسان بنائی گئی ہے، اس اہم منصوبے کی تکمیل سے نہ صرف سیاحت کو فروغ ملا ہے بلکہ تجارتی سرگرمیاں بھی فروغ پائی ہے۔

سوات ایکسپریس وے وہ منصوبہ ہے جو ترقی سے محروم اضلاع کو صوبے کے ترقیافتہ اضلاع سے ملاتی ہے جس سے ہمیشہ سے محروم رہنے والے اضلاع ترقی کی راہ پر گامزن ہوجائیں گے۔

Comments

یہ بھی پڑھیں