دریائے سوات میں پیش آنے والے سانحے کے بعد دریائے سوات سمیت سیاحتی مقامات پر تجاوزات کیخلاف گرینڈ آپریشن کا فیصلہ ہوگیا۔
وزیراعلیٰ خیبرپختونخوا کے ترجمان نے بتایا کہ دریائے سوات میں آپریشن جاری ہے، وزیراعلیٰ نگرانی کررہے ہیں، مشیر، ترجمان، صوبائی وزیر اور ارکان نے متاثرہ علاقوں کا دورہ کیا ہے، دریائےسوات سمیت سیاحتی مقامات پر تجاوزات کیخلاف آپریشن ہوگا۔
ترجمان وزیراعلیٰ نے مزید کہا کہ گرینڈ آپریشن میں تمام تجاوزات بلاامتیاز ختم کی جائیں گی، عوامی مطالبات پر تمام مائننگ کے ٹھیکے منسوخ کردیے گئے ہیں۔
انھوں نے بتایا کہ دریائے سوات کے کنارے ہونے والی تعمیرات اور لینڈ مافیا کیخلاف بھی کریک ڈاؤن شروع کردیا گیا ہے۔
وزیراعلیٰ کےپی کے ترجمان نے کہا کہ غفلت کے مرتکب انتظامی افسران معطل کردیے گئے ہیں، انکوائری کمیٹی قائم کی گئی ہے، کمیٹی 7 روز میں سفارشات مرتب کرے گی، ذمہ داروں کیخلاف کارروائی ہوگی۔
سوات میں المناک واقعے کی تحقیقات کے لئے کمیٹی تشکیل ، 4 اعلیٰ افسران معطل
