مبابانہ: براعظم افریقا کی ایک چھوٹی سی ریاست سوازی لینڈ کے بادشاہ مسواتی سوئم کے انوکھے فیصلے نے ملک کا تبدیل کردیا.
تفصیلات کے مطابق مسواتی سوئم نے ملک کا نام تبدیل کرنے کا اعلان کیا ہے، اب سوازی لینڈ کو سلطنت ایسواتینی کے نئے نام سے پکارا جائے گا.
بادشاہ مسواتی سوئم نے اپنے ملک کے پچاسویں یوم آزادی کے موقع پر تقریر کرتے ہوئے یہ اعلان کیا. ان کا کہنا تھا کہ بیشتر افریقی ممالک نے آزادی کے بعد اپنے پرانے نام دوبارہ اپنا لیے، لیکن سوازی لینڈ ابھی تک برطانوی کالونی کے نام سے پہچانا جاتا ہے، سو اسے تبدیل کرنے کا فیصلہ کیا گیا ہے.
حکومتی بیان کے مطابق اس فیصلے کا ایک سبب افریقی ملک سوازی لینڈ اور یورپی ملک سوئٹزر لینڈ کے ناموں کی صوتی مشابہت بھی ہے، جس کی وجہ سے اکثر سننے والے غلط فہمی کا شکار ہوجاتے ہیں. اسی باعث اب اس کا نام ایسواتینی کا انتخاب کیا ہے۔
جنوبی افریقا کا یہ پسماندہ ملک سوازی لینڈ دولت مشترکہ کا رکن ملک ہے، جس پر 1968 تک برطانوی کی حکومت تھی۔ اس کی آبادی ساڑھے تیرہ لاکھ کے لگ بھگ ہے اور رقبہ 6704 مربع میل ہے. مبابانہ اس کا مرکزی شہر ہے.
چاڈ جھیل کے سُکڑنے سے افریقی ممالک میں قحط سالی کا خدشہ
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔
