The news is by your side.

Advertisement

موسم سرما کے باعث غربت میں‌ اضافے کا خدشہ

برسلز : بیلجیئم کی وفاقی توانائی کے لیے ریگولیٹری باڈی سی آر ای جی کی جانب سے جاری کردہ تازہ ترین رپورٹ میں انکشاف کیا گیا ہے کہ بیلجیئم میں چار لاکھ گھرانے صرف سردی کے باعث غربت کا شکار ہو سکتے ہیں۔

تفصیلات کے مطابق اس غربت میں اضافے کا سبب سردی سے بچاو کے لیے بجلی کا زیادہ استعمال ہے، فیڈرل باڈی کے مطابق گزشتہ ایک دہائی میں بجلی کی قیمتوں میں 62 گنا سے زائد اضافہ ہوا ہے۔

غیر ملکی خبر رساں ادارے کا کہنا تھا کہ اس وقت لوگ اپنی آمدن کا 15 سے 20 فیصد صرف توانائی کے حصول پر خرچ کر رہے ہیں جبکہ سردیوں میں اس میں مزید اضافے کا خدشہ ہے۔

رپورٹ کے مطابق خصوصی طور پر ان لوگوں کے متاثر ہونے کا خدشہ ہے جو اپنے گھروں کو گرم کرنے کے لیے بجلی کی مشینیں استعمال کرتے ہیں۔فیڈرل باڈی اس صورتحال کو توانائی کے باعث غربت کا بحران قرار دے رہی ہے۔

رپورٹ میں بتایا گیا ہے کہ اس وقت چار لاکھ چالیس ہزار گھرانے حکومت کی جانب سے بجلی کے بل کی مد میں اعانت کا فائدہ حاصل کر رہے ہیں جبکہ گیس کی مد میں اعانت حاصل کرنے والے گھرانوں کی تعداد 270000 ہے۔

غیر ملکی میڈیا کا کہنا تھا کہ یہ اعانت حاصل کرنے والوں میں معذور، کم آمدنی والے لوگ، پنشنرز اور مختلف وجوہات کی بنا پر سوشل ہاﺅسنگ حاصل کرنے والے نوجوان شامل ہیں۔

Comments

comments

یہ بھی پڑھیں