بھارتی اداکارہ سواستیکا مکھرجی کے گھر سے ڈیلیوری بوائے نے بھارت اور انگلینڈ کے درمیان کھیلے گئے پہلے ٹی 20 میچ کے ٹکٹ چرالیے۔
بھارتی میڈیا رپورٹ کے مطابق اداکارہ سواستیکا مکھرجی نے انسٹاگرام پر پوسٹ شیئر کرکے یہ انوکھا واقعہ بیان کیا اور لکھا کہ 22 جنوری کو کولکتہ کے ایڈن گارڈنز میں ہونے والے میچ کے 2 ٹکٹس ایک ڈیلیوری بوائے نے گھر سے چرائے اور فرار ہوگیا۔
میچ سے چند گھنٹے قبل اداکارہ نے ٹکٹ چوری کے حوالے سے پوسٹ شیئر کی اور بتایا کہ رائیڈر کے خلاف شکایت درج کروائی ہے۔
سواستیکا مکھرجی نے لکھا کہ ٹکٹس کا آرڈر شام ساڑھے 6 بجے دیا گیا تھا لیکن ڈیلیوری رائیڈر ساڑھے 5 بجے پہنچا دینے کا نشان لگا دیا اور میرا نمبر بلاککدیا جس پر ہم نے شکایت بھی کی تاہم کوئی کارروائی نہیں کی گئی۔
اداکارہ کے مطابق وہ تکٹ بوائے فرینڈ کے والد کے لیے تھے جو کرکٹ کے بہت شوقین ہیں انہوں نے لائیو میچ دیکھنا تھا لیکن ایسا نہیں ہوسکا کیونکہ اتنی جلدی دوسرے ٹکٹ بھی نہیں ملے۔
سواستیکا مکھرجی نے تصویر اور فون نمبر سمیت ڈیلیوری ایگزیکٹو کی تفصیلات کے ساتھ آرڈر کا اسکرین شاٹ بھی شیئر کیا ہے۔
