آسٹریلوی وزیر اعظم نے کہا ہے کہ ہم سڈنی کے شاپنگ سینٹر میں چاقو کے حملے میں زخمی ہونے والے پاکستانی سکیورٹی گارڈ کو شہریت دینے پر غور کر رہے ہیں۔
غیر ملکی ذرائع ابلاغ کے مطابق آسٹریلوی وزیر اعظم البانیز نے فراز طاہر کے قتل کو بھی ایک ”المیہ“ قرار دیا۔ واضح رہے کہ ویسٹ فیلڈ شاپنگ کمپلیکس کے حملے میں کُل چھ افراد قتل ہوئے تھے اور ان میں فراز طاہر بھی شامل ہیں۔
طحہ نے ‘دا آسٹریلین‘ نامی اخبار کو انٹرویو میں کہا کہ ان پر حملہ ان کے ساتھی پاکستانی سکیورٹی گارڈ فراز طاہر کو چاقو مارنے کے بعد کیا گیا۔
اخبار کے مطابق طحہ کے پاس اس وقت اسٹڈی ویزا ہے، جو ایک ماہ سے بھی کم وقت میں ختم ہوجائے گا۔
ایک ریڈیو انٹرویو میں جب یہ پوچھا گیا کہ آیا آسٹریلوی حکومت طحہ کی شہریت کی درخواست کو قبول کرے گی تو وزیر اعظم انتھونی البانیز نے کہا: ”ہاں، ہم ضرور قبول کریں گے۔“
سڈنی: چرچ میں چاقو زنی کی واردات دہشتگردی قرار
آسٹریلوی وزیر اعظم کا کہنا تھا کہ آسٹریلوی شہریوں کی حفاظت کے لیے ان دونوں افراد نے خود کو خطرے میں ڈالا، جنہیں وہ خود نہیں جانتے تھے، یہ بہادری کا کام ہے، جس کا ہم شکریہ ادا کرنا چاہتے ہیں۔“
