قومی ٹیم کے سابق کپتان بابر اعظم کا بگ بیش لیگ میں سڈنی سکسرز سے معاہدے کا امکان ہے۔
فرنچائز سڈنی سکسرز نے اپنے سوشل میڈیا اکاؤنٹ پر ایک پوسٹ کے ذریعے بابر کو ٹیم میں شامل کرنے کا اشارہ دیا ہے۔
سڈنی سکسرز کی کٹ پر بابر اعظم کی سنچری کی کمنٹری کی ویڈیو شیئرکی گئی۔
بابر اعظم کی سڈنی سکسرز میں شمولیت کا اعلان کل تک کیا جاسکتا ہے۔
واضح رہے کہ دو روز قبل پاکستان کرکٹ بورڈ (پی سی بی) نے بابر اعظم سمیت کئی قومی کرکٹرز کو مختلف لیگز کےلیے این او سی جاری کیا تھا۔
پی سی بی اعلامیے کے مطابق بابر اعظم کو بگ بیش لیگ کےلیے 14 دسمبر تا 28 جنوری کےلیے این او سی جاری کیا گیا ہے۔
اعلامیے کے مطابق فاسٹ بولر شاہین آفریدی اور محمد رضوان کو بھی اسی دورانیے کےلیے این او سی جاری ہوا ہے۔
پی سی بی اعلامیے کے مطابق فاسٹ بولر محمد عامر کو ایسیکس کاؤنٹی کے لیے 18 جولائی تک، شان مسعود کو لیسٹر شائر کےلیے یکم ستمبر تک، حسن علی کو واروکشائر کاؤنٹی کےلیے 30 ستمبر تک کا این او سی جاری کیا گیا ہے۔
