The news is by your side.

Advertisement

بھارتی فوج مارنےکےلیےتیارہےتوہم مرنےکے لیے تیارہیں، حریت رہنما

سری نگر: بزرگ کشمیری حریت رہنما سید علی گیلانی نے کشمیری عوام سے خط کے ذریعے اپیل کی ہے کہ عوام اپنے علاقوں میں مظاہرے اور احتجاج کریں۔

تفصیلات کے مطابق کشمیری رہنما سید علی گیلانی کا کہنا ہے کہ کشمیرمیں مواصلاتی نظام بند اورہزاروں نوجوان گرفتارہیں،کشمیری عوام بہادری سے بھارتی مظالم کے خلاف کھڑے ہیں۔

ان کا کہنا تھا کہ بھارتی فوج مارنےکےلیےتیارہےتوہم مرنےکے لیے تیارہیں،مقبوضہ کشمیرسےباہرلوگ کشمیرکےسفیربنیں اوراحتجاج کریں۔ انہوں نے مزید کہا کہ بھارت پوری فوج بھی لےآئے کشمیری حق کے لیے کوشاں رہیں گے۔

سید علی گیلانی کا کہنا تھاکہ بھارت کی کوشش کےباوجودمسئلہ سلامتی کونسل میں اٹھا۔بھارت کشمیر نہیں،بلکہ کشمیرکی سرزمین چاہتاہے،عوام اپنے علاقوں میں مظاہرے اور احتجاج کریں۔

حریت رہنما علی گیلانی کا کہنا تھاکہ پاکستان اور مسلم امہ کشمیریوں کی مدد کے لیے آگےآئیں،عمل کاوقت ہے،ایسانہ ہواتوآئندہ نسلیں معاف نہیں کریں گی۔ہمیں مکمل متحرک ہوناپڑے گا۔

کشمیر کے بزرگ رہنماسید علی گیلانی نے کشمیریوں کےنام خط میں کہا ہے کہ بھارت کو تاریخ معاف نہیں کرے گی۔عالمی میڈیاکشمیر کے مسئلے کوجس طرح اجاگرکررہاہے پہلے کبھی نہیں ہوا۔

یاد رہے کہ دو روز قبل لاک ڈاؤن کے 21 ویں دن ہزاروں کشمیریوں نے سری نگر کے علاقے صورہ میں نماز جمعہ کے بعد کرفیو توڑتے ہوئے زبردست مظاہرہ کیا، پاکستانی پرچم تھامے کشمیریوں نے فلک شگاف نعرے لگائے۔

مظاہرے میں بڑی تعداد میں خواتین اور بچوں نے بھی شرکت کی، مظاہرین پر بھارتی فوج نے زبردست شیلنگ کی اور پیلٹ گنوں سے حملے کیے۔

بھارتی فوج کی فائرنگ سے متعدد کشمیری شدید زخمی ہو گئے تھے ، دوسری طرف میڈیا پر پابندیوں کے باوجود عالمی میڈیا نے مقبوضہ وادی میں مودی کا فسطائی چہرہ بے نقاب کر دیا ہے۔

Comments

comments

یہ بھی پڑھیں