معروف ہالی ووڈ اداکار سلویسٹر اسٹیلون کی اہلیہ جنیفر فلاون نے شوہر سے علیحدگی کے لیے عدالت سے رجوع کرلیا۔
فوٹو اور ویڈیو شیئرنگ ایپ انسٹاگرام پر جنیفر فلاون نے تینوں بیٹیوں کے ساتھ ایک تصویر شیئر کرتے ہوئے لکھا کہ ’شاید اسٹیلون کے ساتھ معاملات ختم ہونے جارہے ہیں۔‘
انہوں نے اپنی بیٹیوں کی طرف اشارہ کرتے ہوئے لکھا کہ ’یہ لڑکیاں میری ترجیح ہیں، اس کے علاوہ کوئی چیز اہمیت نہیں رکھتی اور ہم چار ہمیشہ ساتھ رہیں گی۔
جینیفر فلاون نے انسٹاگرام سے اپنے شوہر سلویسٹر اسٹیلون کو ان فالو بھی کر دیا ہے۔
اس حوالے سے سلویسٹر اسٹیلون کا کہنا تھا کہ میں اپنے خاندان سے بہت محبت کرتا ہوں اور ہم یہ معاملہ دوستانہ اور نجی طریقے سے حل کرنے کی کوشش کر رہے ہیں۔
جینیفر فلاون نے علیحدگی کیلئے جمعے کے روز فلوریڈا کی پام بیچ کاؤنٹی کی عدالت سے رجوع کیا تھا جہاں انہوں نے موقف اختیار کیا کہ ان کے شوہر اسٹیلون ازدواجی اثاثے چھپا رہے ہیں۔
رپورٹ کے مطابق رواں مہینے سلویسٹر اسٹیلون نے اپنے بازو پر بنے ہوئے اپنی اہلیہ کے ٹیٹو کے اوپر اپنے کتے کا ٹیٹو بنوایا تھا جس پر شادی کے 25 سال بعد ان کی اہلیہ جینیفر فلاون نے علیحدگی کیلئے عدالت سے رجوع کیا ہے۔
