دمشق: شام کے شہر لطاکیہ میں واقع حُمیمیم کے روسی ایئر بیس سے ایک خصوصی طیارے نے اڑان بھری ہے، جس کے بارے میں کہا جا رہا ہے کہ اس طیارے میں کئی ملکوں کے سفارتکار سوار تھے۔
غیر ملکی میڈیا رپورٹس کے مطابق روسی وزارت خارجہ نے کہا ہے کہ اتوار کو روسی فضائیہ کا ایک طیارہ شام میں حمیمیم کے ایئر بیس سے روانہ ہوا، جس میں روس، بیلا روس اور شمالی کوریا کے سفارت کار سوار تھے۔
روسی میڈیا نے بیلا روس کی وزارت خاجہ کے حوالے سے بتایا کہ شام سے بیلا روس کے تمام سفارت کاروں کو نکال لیا گیا ہے، ٹیلی گرام پر جاری بیان میں روسی وزارت خارجہ نے بتایا کہ 15 دسمبر کو دمشق میں سفارتی عملے کا ایک حصہ واپس بلا لیا گیا ہے۔
مذکورہ سفارتی عملہ حُمیمیم کے فضائی اڈے سے روانہ ہونے والے روسی فضائیہ کی ایک خصوصی پرواز کے ذریعے چکالوسکی کے ہوائی اڈے پہنچے، بیلا روس، شمالی کوریا اور ابخازیا کے سفارتی مشنوں کے بھی متعدد ملازمین کو اسی پرواز کے ذریعے شام سے نکال لیا گیا ہے۔
روس کے 2 بحری جہاز سمندری طوفان کی زد میں آگئے
ادھر روسی وزارت خارجہ نے کہا ہے کہ دمشق میں روسی سفارت خانے کا کام جاری ہے، تاہم سیٹلائٹ کی تصاویر اور انٹیلیجنس رپورٹس بتاتی ہیں کہ روس شام میں موجود اپنی فوج کا ایک حصہ واپس بلا رہا ہے۔
