The news is by your side.

Advertisement

شام: امریکی کارروائی امن پر حملہ ہے، روس

ماسکو: روسی وزیر خارجہ نے کہا ہے کہ شام پر امریکی کارروائی عالمی امن پر حملہ ہے اس سے روس اور امریکا کے تعلقات کو مزید نقصان پہنچے گا۔

روس کے وزیر خارجہ کی جانب سے جاری اعلامیے میں کہا گیا ہے کہ شام پر امریکی حملہ غیر ذمہ دارانہ ہے، امریکا پہلے بھی غیر ذمہ دارانہ کارروائیاں کر کے حالات کشیدہ کرچکا ہے۔

انہوں نے کہا کہ شام میں امریکی مداخلت کے باعث موجودہ بحران سنگین ہوسکتا ہے کیونکہ یہ حملہ شام کی خودمختار قوم کے خلاف جارحیت ہے۔ روس نے شام کی سنگین صورتحال پر سلامتی کونسل کا اجلاس بلانے کا مطالبہ بھی کیا ہے۔

پڑھیں: ’’ بشارالاسد کا ہر صورت ساتھ دیں گے، آپریشن جاری رہے گا، روس ‘‘

یاد رہے تین روز قبل شام میں کیمیائی میزائل کا حملہ کیا گیا تھا جس کے نتیجے میں 72 سے زائد افراد جاں بحق ہوئے تھے۔ امریکا، فرانس اور برطانیہ نے حملے پر اپنے شدید تحفظات کا اظہار بھی کیا تھا۔

مزید پڑھیں: شام میں کیمیائی حملہ انسانیت کی توہین ہے،صدرٹرمپ 

کیمیائی حملے کے بعد اقوام متحدہ کے اجلاس میں امریکا کی نمائندگی کرنے والی خاتون نے تقریر کرتے ہوئے کہا تھا کہ کیمیائی حملے انسانی حقوق کی شدید خلاف ورزی ہیں اگر انہیں نہ روکا گیا تو امریکا خود اقدامات کرنے پر مجبور ہوجائے گا۔ ٹرمپ انتظامیہ نے گزشتہ روز شام میں حملے کا عندیہ دے دیا تھا اور رات گئے وہاں پر کروز میزائل سے حملہ بھی کیا تھا۔

یہ بھی پڑھیں: ’’ شام پر امریکی حملہ دلیرانہ فیصلہ ہے: سعودی عرب ‘‘

دوسری جانب سعودی عرب نے شام پر امریکی حملے کو دلیرانہ فیصلہ قرار دیتے ہوئے اس پر اطمینان کا اظہار کیا ہے۔

Print Friendly, PDF & Email

Comments

comments

یہ بھی پڑھیں