site
stats
عالمی خبریں

داعش کا نائب سربراہ عبدالرحمان القدولی ماراگیا، امریکی دعوی

واشنگٹن: امریکی کارروائی میں داعش کانائب سربراہ عبدالرحمان مصطفی القدولی ماراگیا۔

پینٹاگون میں پریس کانفرنس کرتے ہوئےامریکی وزیرِ دفاع ایش کارٹر نےدعویٰ کیاکہ شدت پسندتنظیم داعش کانائب سربراہ عبدالرحمن مصطفی القدولی امریکی فوج کی ایک کارروائی کےدوران مارا گیا ہے۔

القدولی شدت پسندتنظیم کاوزیرِ خزانہ ہونے کے ساتھ ساتھ خارجہ امور کابھی ذمہ دار تھا،تاہم امریکی وزیرِ دفاع نے یہ بتانےسے گریز کیا کہ آیا القدولی شام میں مارا گیا ہے یا عراق میں اور نہ ہی انہوں نے اس کی وضاحت کی کہ اس کی ہلاکت امریکی فوج کےفضائی حملےمیں ہوئی ہےیاکسی زمینی کارروائی میں ہوئی ہے۔

امریکی حکام نےدعویٰ کیاکہ القدولی مغرب میں دہشتگردحملوں کی منصوبہ بندی سمیت مغرب میں موجودمشتبہ افرادکووسائل فراہم کرنےمیں ملوث تھا۔ایش کارٹر نے بتایاکہ داعش کا ایک اوررہنماابوسارہ بھی رواں ہفتےامریکی ڈرون کارروائی میں ماراگیاہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top