The news is by your side.

Advertisement

ٹی ٹین لیگ: دہلی بُلز کے ہاتھوں بنگلا ٹائیگر کو شکست

ٹی ٹین لیگ کے پانچویں میچ میں عادل رشید کی تباہ کن بولنگ کی بدولت دہلی بُلز نے بنگلا ٹائیگر کو باآسانی 6 وکٹوں سے شکست دے دی۔

ابوظبی میں جاری ٹی ٹین لیگ کے پانچویں میچ میں دہلی بُلز نے بنگلا ٹائیگرز کی جانب سے دیا جانے والا 70 رنز کا ہدف آخری اوور میں 4 وکٹوں کے نقصان پر حاصل کرلیا، شیرفین ردرفورڈ نے 27 رنز کی اننگز کھیلی۔

قومی ٹیم کے آل راؤنڈر محمد حفیظ 7 رنز بنا کر پویلین لوٹ گئے، رحمان اللہ گربز بغیر کوئی رن بنائے آؤٹ ہوئے، رلی روسو بھی دو رنز پر آؤٹ ہوئے۔

ایون مورگن نے 22 رنز کی ناقابل شکست اننگز کھلی، ڈیووین براوو 5 رنز کے ساتھ ناٹ آؤٹ رہے۔

جیمز فالکنر نے دو کھلاڑیوں کو پویلین کی راہ دکھائی، ٹام ہارٹلی اور لوک ووڈ نے ایک، ایک وکٹ حاصل کی۔

اس سے قبل بنگلا ٹائیگر نے مقررہ اوورز میں 6 وکٹوں کے نقصان پر 69 رنز بنائے تھے، بنگلا ٹائیگرز کے صرف 2 کھلاڑی ہی ڈبل فگر میں داخل ہوسکے تھے۔

اشرو ادانا نے 21 اور جیمز فالکنر نے 19 رنز کی ناٹ آؤٹ اننگز کھیلی تھی۔

دہلی بُلز کی جانب سے عادل رشید نے دو کھلاڑیوں کو پویلین کی راہ دکھائی تھی، فضل الحق فاروقی نے دو، رومانو شیفرڈ نے ایک وکٹ حاصل کی تھی۔

Comments

یہ بھی پڑھیں