ٹی ٹوئنٹی ورلڈ کپ شروع ہوتے ہی کرکٹ کا جادو سر چڑھ کر بولنے لگا پاکستان میں امریکی سفیر ڈونلڈ بلوم بھی اس کے اسیر ہو گئے۔
آئی سی سی ٹی ٹوئنٹی ورلڈ کپ 2024 کا آغاز ہوگیا۔ میگا ایونٹ شروع ہوتے ہی جہاں دنیائے کرکٹ اس کے سحر میں گرفتار ہوگئی ہے وہیں پاکستان میں متعین امریکی سفیر بھی کرکٹ کے جادو میں جکڑے گئے ہیں۔
امریکی سفیر ڈونلڈ بلوم نے اپنے ایک بیان میں ورلڈ کپ میں پاکستان کرکٹ ٹیم کے لیے نیک خواہشات کا اظہار کرتے ہوئے کہا ہے کہ پاکستانیوں کی کرکٹ سے محبت اور جذبہ دیکھا ہے۔
ڈونلڈ بلوم نے کہا کہ امریکا میں پہلے ورلڈ کپ کی میزبانی کیلیے پُر جوش ہیں اور میگا ایونٹ سے ہمارا ملک کرکٹ سے متعارف ہوگا۔ اپنے ملک میں پاکستان کرکٹ ٹیم کی میزبانی کے لیے پُر عزم ہیں۔
انہوں نے کہا کہ ورلڈ کپ دیکھنے کے لیے آئندہ ہفتے امریکا جاؤں گا اور اس تاریخی ایونٹ کو دیکھنے کے لیے شدت سے منتظر ہوں۔
View this post on Instagram
امریکی سفیر نے یہ بھی کہا کہ امریکا پاکستان کا اہم تجارتی شراکت دار ہے اور پاکستان میں اعلیٰ معیار کی سرمایہ کاری چاہتا ہے۔
واضح رہے کہ آئی سی سی ٹی 20 ورلڈ کپ کے افتتاحی میچ میں میزبان امریکا نے کینیڈا کو شکست دے کر ایونٹ میں فاتحانہ آغاز کیا ہے۔
ویڈیو:امریکی کرکٹر ایرون جونز کا بڑا کارنامہ، لیجنڈ کرس گیل کے ہم پلہ بن گئے
یاد رہے کہ امریکا اور ویسٹ انڈیز میں ہونے والے ٹی20 ورلڈکپ میں 20 ٹیمیں حصہ لے رہی ہیں ہیں جس میں 9 وینیوز پر مجموعی طور پر 55 میچز کھیلے جائیں گے۔ پاکستان اپنا پہلا میچ 6 جون کو میزبان امریکا کے خلاف کھیلے گا جبکہ پاکستان اور بھارت کا ٹاکرا 9 جون کو ہوگا۔
