پاکستان کرکٹ ٹیم کے کپتان بابر اعظم کی امریکا میں سابق بھارتی کپتان لیجنڈری سنیل گواسکر سے ملاقات ہوئی جس میں مختصر گفتگو کی گئی۔
پاکستان کرکٹ ٹیم کو ٹی ٹوئنٹی ورلڈ کپ 2024 کھیلنے کے امریکا پہنچ چکی ہے اور 6 جون کو میزبان امریکا کے خلاف ڈیلاس سے اپنی مہم کا آغاز کرے گی۔
ڈیلاس شہر میں ہی قومی کپتان بابر اعظم کی سابق بھارتی کپتان لیجنڈری سنیل گواسکر سے ملاقات ہوئی جس میں دونوں گرمجوشی سے ملے اور مصافحہ کیا۔
اس موقع پر ان میں مختصر بات چیت بھی ہوئی، ایک دوسرے کا حال احوال دریافت کیا اور گواسکر نے بابر اعظم اور پاکستان ٹیم کے لیے نیک خواہشات کا اظہار کیا۔
سنیل گواسکر سے بابر اعظم سے مختصر ملاقات کی یہ ویڈیو پاکستان کرکٹ بورڈ نے اپنے آفیشل انسٹا گرام اکاؤنٹ سے بھی شیئر کی ہے۔
قومی کرکٹ ٹیم کے کپتان کی سابق بھارتی کپتان سے ملاقات۔۔ کنگ بابراعظم اور لیجنڈری سنیل گواسکر ڈیلس میں گرمجوشی سےملے۔۔ ایک دوسرےسےحال احوال پوچھا۔
ورلڈ کپ جیتنا ہے تو ۔۔۔۔۔۔۔۔۔۔۔، کپتان بابر اعظم نے کیا کہا؟
واضح رہے کہ قومی کپتان بابر اعظم نے پی سی بی پوڈکاسٹ انٹرویو میں اس خواہش کا اظہار کیا ہے کہ وہ ورلڈ کپ ٹرافی اٹھانا چاہتے ہیں۔
