آئی سی سی ٹی ٹوئنٹی ورلڈ کپ 2024 کے آج کے میچ میں پاکستان ٹیم میزبان ٹیم امریکا کے خلاف ورلڈ کپ میں اپنی مہم کا آغاز کرے گی۔
تاہم آئی سی سی ٹی 20 ورلڈکپ میں پاکستان اور بھارت کی ٹیمیں 9جون کو نیویارک میں مقابل ہوں گی، اس ہائی وولٹیج مقابلے سے قبل پاکستانی ٹیم کپتان سیمت اہم کھلاڑیوں نے حوصلے بلند ہیں۔
قومی کرکٹ ٹیم کے کپتان بابر اعظم نے کہا کہ ’ ہم نے یو ایس اے میں پہلے کبھی نہیں کھیلا، لیکن ہماری تیاری بہت اچھی ہے، جب آپ کسی بڑے ایونٹ میں مختلف حالات میں کھیلتے ہیں تو پھر جوش بھی ویسا ہی ہوتا ہے۔
View this post on Instagram
کپتان بابر اعظم نے مزید کہا کہ پاک بھارت میں بہت پریشر ہوتا ہے، اس مقابلے کو دیکھنے اور کھیلنے میں بہت فرق ہے، پہلے ٹی وی پر دیکھتے تھے اب کھیلتے ہیں تو وہ بالکل مختلف ہے، پوری دنیا اس مقابلے کا انتظار کرتی ہے، ماضی میں، میں بھی اس مقابلے کا شدت سے انتظار کرتا تھا۔
View this post on Instagram
قومی کرکٹ ٹیم کے اہم فاسٹ بولر شاہین شاہ آفریدی نے کہا کہ ورلڈ کپ پہلی بار امریکہ میں ہو رہا ہے، یہ ہمارے لیے بھی نیا ہے، ہمارے کچھ ساتھی یہاں کھیل چکے ہیں لیکن ہم یہاں پہلی بار ایک گروپ کے طور پر آئے ہیں۔ امید ہے ہمارا یہ ایونٹ اچھا رہے گا اور ہم پرجوش ہیں کہ انٹرنیشنل کرکٹ امریکا میں آ گئی ہے۔
شاہین آفریدی نے کہا کہ بچپن میں اسکول کی چھٹی کرکے پاکستان اور بھارت کا میچ دیکھتا تھا، نتیجہ جو بھی پاک بھارت میچ ضرور دیکھتے تھے، اب بھی یہ ایک بڑا میچ ہے، ایک بار پھر ہم مقابلے کیلئے تیار ہیں۔
View this post on Instagram
قومی کرکٹ ٹیم کے وکٹ کیپر و بلے باز محمد رضوان نے کہا کہ ہم سب جانتے ہیں کہ ورلڈ کپ کھیلنا ہر کھلاڑی کے لیے قابل فخر لمحہ ہے، ہم پچھلی بار ورلڈ کپ میں رنر اپ تھے، یہ بات اب بھی ہمارے ذہنوں میں ہے۔
